ខេត្តស្ទឹងត្រែង ៖ យុវជនញៀនថ្នាំ២នាក់ ត្រូវកំលាំងអាវុធហត្ថចាប់ខ្លួន និងបញ្ជូនទៅកាន់តុលាការ កាលពីព្រឹកថ្ងៃទី២៧ មិថុនា ២០១៥។ យុវជនទាំង២នាក់ជាមុខសញ្ញាជក់ និងចែកចាយ បង្កអសុវត្ថិភាពក្នុងក្រុង
ខេត្តស្ទឹងត្រែង ៖ យុវជនញៀនថ្នាំ២នាក់ ត្រូវកំលាំងអាវុធហត្ថចាប់ខ្លួន និងបញ្ជូនទៅកាន់តុលាការ កាលពីព្រឹកថ្ងៃទី២៧ មិថុនា ២០១៥។ យុវជនទាំង២នាក់ជាមុខសញ្ញាជក់ និងចែកចាយ បង្កអសុវត្ថិភាពក្នុងក្រុងស្ទឹងត្រែង ហើយសមត្ថកិច្ចអាវុធហត្ថតាមប្រមាញ់ និងចាប់បាន កាលពីវេលាម៉ោង៦ និង៤០នាទីល្ងាច ថ្ងៃទី២៥ មិថុនា កន្លងទៅនេះ រឹបអូសបានថ្នាំញៀនប្រភេទ ម៉ាទឹកកក (Ice) ចំនួន១០កញ្ចប់តូច ស្មើនឹង៣,០៣ក្រាម ។
តាមចម្លើយសារភាពនៅចំពោះមុខសមត្ថកិច្ច គឺយុវជនទាំង២បានទិញថ្នាំញៀនពីភ្នំពេញយកមកជក់ និងចែកចាយនៅក្រុងស្ទឹងត្រែង ។ លោក ភុយ ខ្វៃ ប្រធានការិយាល័យស្រាវជ្រាវបទល្មើសព្រហ្មទណ្ឌនៃទីបញ្ជាការកងរាជអាវុធហត្ថខេត្តស្ទឹងត្រែងបានឱ្យដឹងថា ជនសង្ស័យទាំង២នាក់ ឈ្មោះ ប៊ុន ស្រីខួច ភេទស្រី អាយុ២២ឆ្នាំ មុខរបរមិនពិតប្រាកដ រស់នៅភូមិត្រពាំងព្រីង សង្កាត់ស្ទឹងត្រែង ក្រុងស្ទឹងត្រែង និងម្នាក់ទៀតឈ្មោះ ឈាន់ គឹមអៀង ភេទប្រុស អាយុ២៣ឆ្នាំ មុខរបរមិនពិតប្រាកដ រស់នៅភូមិរាជានុកូល សង្កាត់ស្ទឹងត្រែង ក្រុងស្ទឹងត្រែង។
វត្ថុតាងដែលរឹបអូសបានរួមមាន ថ្នាំញៀនប្រភេទមេតំហ្វេតាមីន ម៉ាទឹកកក ចំនួន១០កញ្ចប់តូច ម៉ូតូម៉ាកហុងដា ពណ៌ខ្មៅ ចំនួន១គ្រឿងជាមធ្យោបាយចែកចាយ ទូរស័ព្ទដៃចំនួន៣គ្រឿង លុយខ្មែរក្លែងក្លាយចំនួន១សន្លឹក (ក្រដាស់១ម៉ឺនរៀល) លុយដុល្លារក្លែងក្លាយ៣សន្លឹក ក្រដាស់១០០ដុល្លារ២សន្លឹក និង៤ដុល្លារ១សន្លឹក ក្នុងនោះមានលុយវៀតណាម និងលុយខ្មែរ លែងចាយជាច្រើនសន្លឹកទៀត៕
ចែករំលែកព័តមាននេះ