ខេត្តកណ្តាល ៖ ករណីចោរលួចគោនៅភូមិសំរោងក្អែរ ឃុំសំរោងធំ ស្រុកកៀនស្វាយ ជាលើកទី៣ហើយ ដែលសមត្ថកិច្ចនៅមិនទាន់វែកមុខនៅឡើយ ។ នេះបង្ហាញឲ្យឃើញថា ប៉ូលិសមូលដ្ឋានមិនសូវយកចិត្តទុកដាក់
ខេត្តកណ្តាល ៖ ករណីចោរលួចគោនៅភូមិសំរោងក្អែរ ឃុំសំរោងធំ ស្រុកកៀនស្វាយ ជាលើកទី៣ហើយ ដែលសមត្ថកិច្ចនៅមិនទាន់វែកមុខនៅឡើយ ។ នេះបង្ហាញឲ្យឃើញថា ប៉ូលិសមូលដ្ឋានមិនសូវយកចិត្តទុកដាក់ ព្រោះក្រុមចោរលួចគោអ្នកស្រុក គឺជាមុខសញ្ញាចាស់ ។
កាលពីវេលាម៉ោង៩និង២០នាទីយប់ថ្ងៃទី២០ ខែមិថុនា ឆ្នាំ២០១៥ មានករណីចោរលួចគោរបស់អ្នកភូមិចំនួន២ក្បាលយកទៅពន្លះយកសាច់ តែត្រូវបានម្ចាស់គោ និងអ្នកស្រុកផ្អើលនាំគ្នាដើររកទាំងយប់ ធ្វើឲ្យក្រុមចោរភ័យស្លន់ស្លោរក៏រត់គេចខ្លួនបាត់អស់ ។
លោក សួន សុខ អាយុ៤៥ឆ្នាំ មានទីលំនៅភូមិសំរោងក្អែរ ឃុំសំរោងធំ ស្រុកកៀនស្វាយ ជាម្ចាស់គោបានរៀបរាប់ថា នៅយប់ថ្ងៃកើតហេតុ រូបគាត់បានមកពីចាប់ចង្រិតពេលត្រឡប់មកផ្ទះវិញ ហើយក៍ដើរទៅមើលក្រោលគោ ស្រាប់តែបាត់គោអស់២ក្បាល ភ្លាមៗនោះ ក៏ស្រែកឆោឡោឡើង អ្នកភូមិក៏នាំគ្នាជួយដើររកគោ ហើយក៏ឃើញគោ២ក្បាល ត្រូវក្រុមចោរពន្លះស្បែកបានមួយចំហៀងហើយ ។
ប្រជាពលរដ្ឋក្នុងមូលដ្ឋានកើតហេតុខាងលើបាននិយាយដោយព្រួយបារម្ភដូចៗគ្នាថា ក្រុមចោរលួចគោ គឺជាមុខសញ្ញាចាស់ ។ បើសមត្ថកិច្ចមិនបានវែកមុខក្រុមចោរនេះទេ ក្រុមចោរដដែលនេះនឹងនៅតែបន្តធ្វើសកម្មភាពលួចមិនឈប់ឈរ ។
ព័ត៌មានលម្អិតមានផ្សាយជូននៅទំព័រកាសែតកោះសន្តិភាព
ចែករំលែកព័តមាននេះ