ខេត្តកំពង់ធំ ៖ ពិតជាគួរឱ្យហួសចិត្ត ដ្បិតជនល្មោភកាមម្នាក់បានជិះម៉ូតូ ដេញតាមចាប់រំលោ.ភកុមារីម្នាក់ អាយុជាង១០ឆ្នាំ ខណៈនាងកំពុងជិះកង់ដើរលក់ត្រី តាមភូមិ កាលពីថ្ងៃទី២៣ ឧសភា នៅក្នុងឃុំទីពោធិ៍ ស្រុកសន្ទុក ។
ខេត្តកំពង់ធំ ៖ ពិតជាគួរឱ្យហួសចិត្ត ដ្បិតជនល្មោភកាមម្នាក់បានជិះម៉ូតូ ដេញតាមចាប់រំលោភកុមារីម្នាក់ អាយុជាង១០ឆ្នាំ ខណៈនាងកំពុងជិះកង់ដើរលក់ត្រី តាមភូមិ កាលពីថ្ងៃទី២៣ ឧសភា នៅក្នុងឃុំទីពោធិ៍ ស្រុកសន្ទុក ។
ទាក់ទិនករណីរំលោភសេពសន្ថវៈនេះ ត្រូវបានលោកវរសេនីយ៍ត្រី ពេជ ថាល់ អធិការនគរបាលស្រុកសន្ទុក ឱ្យដឹងថា ជននេះឈ្មោះ បួន យិត អាយុ១៩ឆ្នាំ មានទីលំនៅក្នុងឃុំខាងលើ ត្រូវបាននគរបាលឃាត់ខ្លួន បន្ទាប់ពីធ្វើសកម្មភាពចាប់កុមារីអាយុជាង១០ឆ្នាំម្នាក់រំលោភ ។ ក្រោយពីធ្វើសកម្មភាពរួច ជននេះបានជិះម៉ូតូរត់គេចខ្លួន តែត្រូវឪពុកកុមារីប្តឹងសមត្ថកិច្ចឱ្យជួយអន្តរាគមន៍ តាមចាប់ខ្លួនបានភ្លាមៗ ។
បន្ទាប់ពីឃាត់ខ្លួន ជនឈ្មោះ បួន យិត សារភាពថា ខ្លួនពិតជាបានធ្វើសកម្មភាពចាប់រំលោភកុមារីពិតប្រាកដមែន និងត្រូវបានសមត្ថកិច្ចកសាងសំណុំរឿងបញ្ចូនទៅសាលាដំបូងខេត្ត នៅថ្ងៃទី២៤ ឧសភា ៕
ចែករំលែកព័តមាននេះ