គ្រីស្ទៀណូ រ៉ូណាល់ដូ ម្ចាស់តំណែងជើងឯកខ្សែប្រយុទ្ធប្រចាំក្របខ័ណ្ឌបាល់ទាត់ La Liga អេស្ប៉ាញក្នុងរដូវកាល២០១៤-២០១៥ របស់ក្លិប Real Madrid និងកីឡាករជេមរ៉ូឌ្រីក្វេស
គ្រីស្ទៀណូ រ៉ូណាល់ដូ ម្ចាស់តំណែងជើងឯកខ្សែប្រយុទ្ធប្រចាំក្របខ័ណ្ឌបាល់ទាត់ La Liga អេស្ប៉ាញក្នុងរដូវកាល២០១៤-២០១៥ របស់ក្លិប Real Madrid និងកីឡាករជេមរ៉ូឌ្រីក្វេស ផ្តល់ការគាំទ្រដល់ការងារលោកកាឡូ អាន់សេឡុតទី ជាគ្រូបង្វឹករបស់ក្លិប និងចង់ឱ្យលោកបន្តកិច្ចសន្យានៅក្នុងក្លិបបន្តទៀត ។
កីឡាករគ្រីស្ទៀណូ រ៉ូណាល់ដូ ម្ចាស់ឯតទគ្គកម្មស៊ុតបាល់បញ្ចូលទីបាន៦១គ្រាប់នៅក្នុងលីក អាចជួយក្លិបក្នុងការប្រកួតលើកចុងក្រោយបំបាក់ក្លិប Getafe 7-3 ធ្វើឱ្យក្លិប Real Madrid ស្ថិតនៅលំដាប់ទី២ នៅក្នុងតារាង ដោយចាញ់ក្លិប Barcelona ជាជើងឯកប្រចាំរដូវកាលនេះចំនួន២ពិន្ទុ ។ បច្ចុប្បន្ន Real Madrid កំពុងពិចារណាចែចូវលោករ៉ាហ្វាអេល បេនីតេស គ្រូបង្វឹកក្លិប Napoli ឱ្យធ្វើការជំនួសលោកអាន់សេឡុតទី ដែលមិនអាចរកតំណែងជើងឯកណាមួយដល់ក្លិបនៅក្នុងរដូវកាលនេះបាន ។ ទោះជាយ៉ាងណាក៏ដោយ កីឡាកររ៉ូណាល់ដូ បានថតរូបរួមជាមួយគ្រូបង្វឹកជនជាតិអុីតាលីរូបនេះនៅក្នុងបន្ទប់សម្រាករបស់កីឡាករ និងបានបង្ហាញការគាំទ្រឱ្យលោកបំពេញការងារនៅក្នុងក្លិបបន្តទៀត ។
ចែករំលែកព័តមាននេះ