ខេត្តត្បូងឃ្មុំ ៖ មនុស្ស២នាក់ស្លា.ប់ និង២នាក់ទៀតរងរបួសធ្ងន់ ក្នុងហេតុការណ៍គ្រោះថ្នាក់ចរាចរណ៍មួយដ៏រន្ធត់រវាងម៉ូតូធុនC125 ពណ៌ខ្មៅ ពាក់ស្លាកលេខកំពង់ចាម1J-4219 ជាមួយកង់ កាលពីវេលាម៉ោង០៦ និង៣០នាទីយប់ថ្ងៃទី១០ ឧសភា ២០១៥ ស្ថិតនៅ
ខេត្តត្បូងឃ្មុំ ៖ មនុស្ស២នាក់ស្លាប់ និង២នាក់ទៀតរងរបួសធ្ងន់ ក្នុងហេតុការណ៍គ្រោះថ្នាក់ចរាចរណ៍មួយដ៏រន្ធត់រវាងម៉ូតូធុនC125 ពណ៌ខ្មៅ ពាក់ស្លាកលេខកំពង់ចាម1J-4219 ជាមួយកង់ កាលពីវេលាម៉ោង០៦ និង៣០នាទីយប់ថ្ងៃទី១០ ឧសភា ២០១៥ ស្ថិតនៅលើកំណាត់ផ្លូវជាតិលេខ៧ ក្នុងភូមិទន្លេបិទលើ ឃុំទន្លេបិទ ស្រុកត្បូងឃ្មុំ ហើយអ្នករងគ្រោះត្រូវបានសមត្ថកិច្ចហៅរថយន្តដឹកទៅសង្គ្រោះនៅមន្ទីរពេទ្យ ។
លោកវរសេនីយ៍ត្រី សូ សារ៉ាត់ នាយការិយាល័យចរាចរណ៍ផ្លូវគោកខេត្តប្រាប់ឱ្យដឹងថា ជនរងគ្រោះដែលស្លាប់ ១-ឈ្មោះមួក ឌីណា ភេទប្រុស អាយុ២១ឆ្នាំ មានទីលំនៅភូមិទួលទ្រាជើង ឃុំជុប ស្រុកត្បូងឃ្មុំ (ជាអ្នកបើកម៉ូតូ) ២-ឈ្មោះយ៉ាន ចាន់លាភ ភេទប្រុស អាយុ២៥ឆ្នាំ មានទីលំនៅភូមិប៉ើស ឃុំប៉ើស ស្រុកក្រូចឆ្មារ និងអ្នករបួសធ្ងន់២នាក់ ទៀត ម្នាក់ឈ្មោះបាន ពៅ ភេទប្រុស អាយុ២២ឆ្នាំ នៅភូមិទន្លេបិទក្រោម ឃុំទន្លេបិទ ស្រុកត្បូងឃ្មុំ និងម្នាក់ទៀតឈ្មោះប៉ក់ ផ្លល្លាប ភេទស្រី អាយុ២៣ឆ្នាំ នៅភូមិទន្លេបិទលើ ឃុំទន្លេបិទ ស្រុកត្បូងឃ្មុំ ។
ប្រភពបន្តថា អ្នកជិះម៉ូតូស្រវឹងស្រាជិះឌុបគ្នា២នាក់ចេញពីត្បូងមកជើង ដោយបានប្រើប្រាស់ល្បឿនលឿន ថែមទាំងមិនបានពាក់
មួកសុវត្ថិភាពថែមទៀត ។ ស្របពេលដែលជិះមកដល់ត្រង់ចំណុចភូមិទន្លេបិទលើ ឃុំទន្លេបិទ ក៏បានទៅកៀរដៃចង្កូតកង់របស់ស្ត្រីឈ្មោះផ្ល លាប ជាហេតុបណ្តាលឱ្យផ្លោងអ្នកជិះម៉ូតូបោកក្បាលទៅនឹងថ្នល់ជាតិស្លាប់ភ្លាមចំនួន២នាក់ និងអ្នកជិះពីក្រោយរបួសធ្ងន់ម្នាក់ថែមទៀត ចំណែកអ្នកជិះកង់ ក៏បានរបួសធ្ងន់ដែរ ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ