រាជធានីភ្នំពេញ ៖ បុរសម្នាក់រវល់តែអោនចុចទូរស័ព្ទ បើករថយន្តរេចង្កូតទៅបុកចំក្បាលនាគពុះចែកទ្រូងផ្លូវ បណ្ដាលឱ្យបាក់អស់៦កង់ បង្កឱ្យភ្ញាក់ផ្អើលកាលពីវេលាម៉ោង០៩ និង១៥នាទីយប់ថ្ងៃទី០៦ ឧសភា ២០១៥ ស្ថិតនៅតាមបណ្ដោយផ្លូវលេខ២១៧ សង្កាត់
រាជធានីភ្នំពេញ ៖ បុរសម្នាក់រវល់តែអោនចុចទូរស័ព្ទ បើករថយន្តរេចង្កូតទៅបុកចំក្បាលនាគពុះចែកទ្រូងផ្លូវ បណ្ដាលឱ្យបាក់អស់៦កង់ បង្កឱ្យភ្ញាក់ផ្អើលកាលពីវេលាម៉ោង០៩ និង១៥នាទីយប់ថ្ងៃទី០៦ ឧសភា ២០១៥ ស្ថិតនៅតាមបណ្ដោយផ្លូវលេខ២១៧ សង្កាត់អូរប្ញស្សីទី៣ ខណ្ឌ៧មករា ។
ប្រភពបានឱ្យដឹងថា គេឃើញរយន្តបង្កម៉ាកតូយ៉ូតាព្រូស ពណ៌ខ្មៅ អត់ស្លាកលេខ បើកបរដោយបុរសម្នាក់អាយុជាង៣០ឆ្នាំ មិនស្គាល់អត្តសញ្ញាណ បើកតាមបណ្ដោយផ្លូវលេខ២១៧ ក្នុងទិសដៅពីលិចទៅកើតក្នុងល្បឿនលឿន លុះដល់ចំណុចកើតហេតុខាងលើ រវល់តែអោនចុចទូរស័ព្ទ បានរេចង្កូតទៅបុកចំក្បាលនាគពុះចែកផ្លូវ បណ្ដាលបាក់បែកអស់ចំនួន៦កង់ រីឯរថយន្តបង្កវិញស្រុញផ្នែកខាងមុខជាទម្ងន់ តែអ្នកបើកបរមិនមានរងរបួសទេ ។
ក្រោយពេលកើតហេតុ ម្ចាស់រថយន្តបានបើកទ្វាររថយន្ត រួចរត់គេចខ្លួនបាត់ទៅ ប្រមាណជា២០នាទីក្រោយមក គេឃើញម្ចាស់រថយន្តបានមកកន្លែងកើតហេតុវិញ ដើម្បីមកដោះស្រាយ តែរថយន្តបានត្រូវសមត្ថកិច្ចស្ទូចយកទៅរក្សាទុកនៅឯចរាចរណ៍ក្រុងដើម្បីរង់ចាំការដោះស្រាយ ៕
ចែករំលែកព័តមាននេះ