ខេត្តមណ្ឌលគិរី ៖ ក្រុមគ្រួសារសពដែលរងគ្រោះដោយសារករណីរន្ទះបា.ញ់ស្លា.ប់ម្នាក់ រងរបួសធ្ងន់ម្នាក់ នៅភូមិពូលុ ឃុំប៊ូស្រា ស្រុកពេជ្រាដា កាលពីវេលាម៉ោង៤ និង៤០នាទីរសៀល ថ្ងៃទី០៤ ឧសភា ២០១៥
ខេត្តមណ្ឌលគិរី ៖ ក្រុមគ្រួសារសពដែលរងគ្រោះដោយសារករណីរន្ទះបាញ់ស្លាប់ម្នាក់ រងរបួសធ្ងន់ម្នាក់ នៅភូមិពូលុ ឃុំប៊ូស្រា ស្រុកពេជ្រាដា កាលពីវេលាម៉ោង៤ និង៤០នាទីរសៀល ថ្ងៃទី០៤ ឧសភា ២០១៥ ត្រូវបានសាខាកាកបាទក្រហមកម្ពុជាខេត្ត ដឹកនាំដោយលោក សុក សេរ៉ា សមាជិកសាខាកាកបាទក្រហមកម្ពុជា លោក ឡុង វិបុល នាយកកាកបាទក្រហម និងលោក សាន់ ដារិទ្ធ សមាជិកកាកបាទក្រហម ព្រមទាំងអាជ្ញាធរស្រុក ពេជ្រាដា បានយកអំណោយ និងថវិកាជួយឧបត្ថម្ភដល់ក្រុមគ្រួសារសព កាលពីព្រឹកថ្ងៃទី ០៥ ឧសភា ។
តាមការឲ្យដឹងពីនាយកកាកបាទក្រហមកម្ពុជាខេត្តមណ្ឌលគិរីថា ករណីស្លាប់ និងរងរបួសធ្ងន់ ដោយសាររន្ទះបាញ់នេះ បណ្តាលមកពីការប្រើប្រាស់ទូរស័ព្ទនៅពេលមានភ្លៀងស្រិចៗ និងមានផ្គរលាន់ ។ លោកបន្ត ថា អ្នកស្លាប់ ឈ្មោះ ម៉ាន នីត ភេទស្រី អាយុ១០ឆ្នាំ និងអ្នករងគ្រោះឈ្មោះ ម៉ាន រ៉ាវី ភេទស្រី អាយុ១២ឆ្នាំ អ្នកទាំងពីរជាជនជាតិព្នង ហើយជាបងប្អូនបង្កើតនឹងគ្នា រស់នៅភូមិពូលុ ឃុំប៊ូស្រា ស្រុកពេជ្រាដា។
អំណោយដែលកាកបាទក្រហមជួយឧបត្ថម្ភដល់អ្នករងគ្រោះមានថវិកា២០ម៉ឺនរៀល សម្រាប់ថ្លៃថ្នាំព្យាបាល ចំណែកសពចំនួន២០ម៉ឺនរៀល និងអង្គរ៥០គីឡូក្រាម ដើម្បីឲ្យក្រុមគ្រួសារយកទៅចាត់ចែងធ្វើបុណ្យតាមប្រពៃណី៕
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ