ខេត្តបាត់ដំបង ៖ យុវជនម្នាក់ខណៈចតត្រាក់ទ័រលើផ្លូវចំណោទដើម្បីដាក់ធុងទឹក ត្រាក់ទ័រនោះក៏រអិលចុះក្រោម ត្រូវយុវជននោះស្ទុះរត់ទៅចាប់ហ្វ្រាំង តែបានដួលពីមុខកង់ត្រាក់ទ័រ បណ្តាលឱ្យកិនចំក្បាលស្លា.ប់ភ្លាមៗនៅនឹងកន្លែង ។
ខេត្តបាត់ដំបង ៖ យុវជនម្នាក់ខណៈចតត្រាក់ទ័រលើផ្លូវចំណោតដើម្បីដាក់ធុងទឹក ត្រាក់ទ័រនោះក៏រអិលចុះក្រោម ត្រូវយុវជននោះស្ទុះរត់ទៅចាប់ហ្វ្រាំង តែបានដួលពីមុខកង់ត្រាក់ទ័រ បណ្តាលឱ្យកិនចំក្បាលស្លាប់ភ្លាមៗនៅនឹងកន្លែង ។
ប្រភពបានឱ្យដឹងថា បន្ទាប់ពីត្រាក់ទ័រនោះកិនអ្នកបើកបរស្លាប់ហើយ ក៏ជ្រុលទៅបុកផ្ទះរបស់អ្នកភូមិមួយខ្នងទៀត បណ្តាលឱ្យខូចជញ្ជាំងអស់មួយចំហៀង ។
ហេតុការណ៍ខាងលើកើតឡើង កាលពីវេលាម៉ោង០៧ព្រឹកថ្ងៃទី០២ ឧសភា ២០១៥ នេះ ស្ថិតនៅចំណុចភូមិភ្នំព្រឹក ឃុំព្រឹក ស្រុកភ្នំព្រឹក ខេត្តបាត់ដំបង ។
ប្រភពបានឱ្យដឹងថា ជនរងគ្រោះដែលស្លាប់ឈ្មោះអេន ទន់អី អាយុ១៨ឆ្នាំ មានទីលំនៅក្នុងភូមិបេងស្អាត ឃុំភ្នំព្រឹក ស្រុកភ្នំព្រឹក ខេត្តបាត់ដំបង ។ ចំណែកឯម្ចាស់ផ្ទះដែលត្រូវត្រាក់ទ័របុកជញ្ជាំងឈ្មោះឈៀង ចិត្ត ភេទប្រុស អាយយុ២៤ឆ្នាំ មានទីលំនៅក្នុងភូមិកើតហេតុខាងលើ ។
ប្រភពបន្តថា មុនពេលកើតហេតុ គេឃើញជនរងគ្រោះបើកត្រាក់ទ័រតិចៗតាមផ្លូវ លុះមកដល់ចំណុចកើតហេតុ ក៏ឈប់ត្រាក់ទ័រនោះដើម្បីដាក់ទឹកយកទៅភ្ជួរស្រែ ទើបមានហេតុការណ៍នោះកើតឡើងតែម្តង ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ