ខេត្តព្រៃវែង ៖ រថយន្តដឹកដីមួយគ្រឿងចំណុះ៣០តោនធ្វើដំណើរចេញពីភ្នំពេញទៅខេត្តព្រៃវែង ខណៈមកដល់ចំណុចលើស្ពានអ្នកលឿងឆ្លងចូលទឹកដីខេត្តព្រៃវែងបានប្រហែល១០ម៉ែត្រស្រាប់តែទៅមុខលែងរួចក៏ឈប់នៅលើស្ពានដើម្បី
ខេត្តព្រៃវែង ៖ រថយន្តដឹកជីមួយគ្រឿងចំណុះ៣០តោនធ្វើដំណើរចេញពីភ្នំពេញទៅខេត្តព្រៃវែង ខណៈមកដល់ចំណុចលើស្ពានអ្នកលឿងឆ្លងចូលទឹកដីខេត្តព្រៃវែងបានប្រហែល១០ម៉ែត្រស្រាប់តែទៅមុខលែងរួចក៏ឈប់នៅលើស្ពានដើម្បីត្រួតពិនិត្យប្រព័ន្ធម៉ាស៊ីនបង្កឱ្យមានការភ្ញាក់ផ្អើលកាលពីវេលាម៉ោង២រសៀល ថ្ងៃទី២៥ មេសា ២០១៥ ។
ម្ចាស់រថយន្តបានឱ្យដឹងថា រថយន្តរបស់គាត់ពេលមិនទាន់ដាក់ជីមានចំណុះ១០តោន ពេលដាក់ជីទម្ងន់២០តោន សរុប៣០តោន ឥឡូវខូចទៅមុខលែងរួច ដោយសារដាច់ ឬបែកបំពង់ខ្យល់។
ខណៈពេលរថយន្តដឹកដីឈប់ដើម្បីជួសជុលរយៈពេលតែជាងកន្លះម៉ោងប៉ុណ្ណោះស្រាប់តែស្រុតថ្នល់កៅស៊ូតាមជើងកង់រថយន្តប្រហែលកន្លះតឹកចុះក្រោម។ ភ្លាមនោះក៏មានការភ្ញាក់ផ្អើលដល់សមត្ថកិច្ចដែលកំពុងឈរជើងល្បាតនៅទីនោះបានរាយការណ៍ឱ្យមន្ត្រីជំនាញចុះទៅត្រួតពិនិត្យភ្លាមៗ និងធ្វើឱ្យដឹងដល់លោកជុំ សាមឿន អភិបាលស្រុកពាមរក៍ចុះទៅមើលនឹងគេដែរ។
មន្ត្រីជំនាញបានឱ្យដឹងថា ដោយសារកៅស៊ូថ្នល់ត្រូវកំដៅថ្ងៃទើបធ្វើឱ្យទន់ នៅពេលរថយន្តឈប់នៅនឹងកន្លែងយូរពេកបណ្តាលឱ្យមានការស្រុតរបៀបនេះហើយ តែអាចជួសជុលវិញបាន។ រថយន្តដែលបង្កការភ្ញាក់ផ្អើលនេះត្រូវបានសមត្ថកិច្ចស្រុកពាមរក៍នាំយកទៅអធិការដ្ឋានស្រុកដើម្បីធ្វើការពិន័យ៕
ចែករំលែកព័តមាននេះ