ខេត្តព្រះសីហនុ ៖ កម្លាំងជំនាញនៃអគ្គស្នងការនគរបាលជាតិ សហការជាមួយស្នងការដ្ឋាននគរបាលខេត្តព្រះសីហនុ តាមការផ្តល់ព័ត៌មានពីនគរបាលឥណ្ឌូណេស៊ី បានឈានដល់ការឃាត់ខ្លួនស្ត្រីឥណ្ឌូណេស៊ីម្នាក់ មុខសញ្ញានិវេទន៍ក្រហមរបស់នគរបាលអន្តរជាតិ (Interpol) ពាក់ព័ន្ធបទល្មើសជួញដូរមនុស្ស និងគ្រឿងញៀន…
ខេត្តព្រះសីហនុ ៖ កម្លាំងជំនាញនៃអគ្គស្នងការនគរបាលជាតិ សហការជាមួយស្នងការដ្ឋាននគរបាលខេត្តព្រះសីហនុ តាមការផ្តល់ព័ត៌មានពីនគរបាលឥណ្ឌូណេស៊ី បានឈានដល់ការឃាត់ខ្លួនស្ត្រីឥណ្ឌូណេស៊ីម្នាក់ មុខសញ្ញានិវេទន៍ក្រហមរបស់នគរបាលអន្តរជាតិ (Interpol) ពាក់ព័ន្ធបទល្មើសជួញដូរមនុស្ស និងគ្រឿងញៀន ត្រូវបាននាំខ្លួនទៅកាន់ប្រទេសដើមវិញ កាលពីថ្ងៃទី២ ខែធ្នូ ឆ្នាំ២០២៥ ។
ប្រតិបត្តិការឃាត់ខ្លួន និងបញ្ជូនជនមុខសញ្ញាអន្តរជាតិមួយនេះ បានធ្វើឡើងយ៉ាងឆាប់រហ័ស បន្ទាប់ពីមានការស្នើសុំតាមរយៈការចេញនិវេទន៍ក្រហម (Red Notice) របស់នគរបាលអន្តរជាតិ (Interpol) ចុះថ្ងៃទី១២ ខែមីនា ឆ្នាំ២០២៥ ពាក់ព័ន្ធនឹងករណីបទល្មើសធ្ងន់ធ្ងរ ។
កម្លាំងនាយកដ្ឋានចារកម្មបានឃាត់ខ្លួនមុខសញ្ញា និវេទន៍ក្រហមរូបនេះឈ្មោះASTUTIK DEWI ភេទស្រី អាយុ៤២ឆ្នាំ ជនជាតិឥណ្ឌូណេស៊ី កាលពីថ្ងៃទី១ ខែធ្នូ ឆ្នាំ២០២៥ វេលាម៉ោង១៣និង៤០នាទី នៅសណ្ឋាគារ NOVOTEL នៅខេត្តព្រះសីហនុ ។
ប្រតិបត្តិការនេះ សមត្ថកិច្ចក៏បានបន្តឃាត់ខ្លួនបុរសជនជាតិប៉ាគីស្ថានម្នាក់ទៀតផងដែរ និងបានដកហូតរថយន្តម៉ាក PRIUS ពណ៌ស ពាក់ផ្លាកលេខ ភ្នំពេញ 2BI-9815 ។
ក្រោយបញ្ចប់នីតិវិធីនៃការសាកសួរ និងរៀបចំឯកសារនានា ដោយមានការចូលរួមយ៉ាងយកចិត្តទុកដាក់ពីសំណាក់ថ្នាក់ដឹកនាំ និងកម្លាំងនគរបាលជំនាញនៃអគ្គស្នងការដ្ឋាននគរបាលជាតិ ក្រុមការងារបានបញ្ជូនមុខសញ្ញានិវេទន៍ក្រហមឈ្មោះ DEWI ASTUTIK ចេញពីអាកាសយានដ្ឋានមរតកតេជោ តាមជើងយន្តហោះពិសេស «នគរបាល» នាវេលាម៉ោង១៦:០០នាទី ថ្ងៃទី២ ខែធ្នូ ឆ្នាំ២០២៥ ដើម្បីប្រគល់ជូននគរបាលជំនាញនៃប្រទេសឥណ្ឌូណេស៊ី ដើម្បីបន្តនីតិវិធីតាមផ្លូវ
ច្បាប់ ៕
ចែករំលែកព័តមាននេះ