ខេត្តបន្ទាយមានជ័យ ៖ នគរបាលប៉ុស្តិ៍រដ្ឋបាលឃុំសារង្គកាលពីវេលាម៉ោង១១ និង១៥នាទីយប់ ថ្ងៃទី២៥ មេសា ២០១៥ បានដឹកនាំកម្លាំងចុះល្បាតនៅពេលយប់ដើម្បីការពារសន្តិសុខ សណ្តាប់ធ្នាប់ សុវត្ថិភាពជូនប្រជាពលរដ្ឋនៅមូលដ្ឋាន ។
ខេត្តបន្ទាយមានជ័យ ៖ នគរបាលប៉ុស្តិ៍រដ្ឋបាលឃុំសារង្គកាលពីវេលាម៉ោង១១ និង១៥នាទីយប់ ថ្ងៃទី២៥ មេសា ២០១៥ បានដឹកនាំកម្លាំងចុះល្បាតនៅពេលយប់ដើម្បីការពារសន្តិសុខ សណ្តាប់ធ្នាប់ សុវត្ថិភាពជូនប្រជាពលរដ្ឋនៅមូលដ្ឋាន ។
ក្នុងប្រតិបត្តិការចុះល្បាតនោះ នគរបាលបានឃាត់ម៉ូតូ១គ្រឿងមានមនុស្សជិះ៣នាក់ ត្រង់ចំណុចផ្លូវក្នុងភូមិតាផូ ឃុំសារង្គ ស្រុកស្វាយចេក ឆែកឆេររកឃើញថ្នាំញៀនប្រភេទមេតំហ្វេតាមីនគ្រាប់ពណ៌ក្រហម មានអក្សរ WY ចំនួន២៥០គ្រាប់ រួចបញ្ជូនខ្លួនមកកាន់អធិការដ្ឋាននគរបាលស្រុកស្វាយចេក ដើម្បីធ្វើការសាកសួរ និងរៀបចំសំណុំរឿងបញ្ជូនបន្តទៅស្នងការដ្ឋាននគរបាលខេត្តដើម្បីចាត់វិធានការបន្តតាមនិតិវិធីច្បាប់។
លោកវរសេនីយ៍ត្រីជា ស្លូញ អធិការនគរបាលស្រុកស្វាយចេក បានឲ្យដឹងថា ជនសង្ស័យដែលកម្លាំងនគរបាលប៉ុស្តិ៍រដ្ឋបាលឃុំសារង្គចាប់ឃាត់ខ្លួនទាំង៣នាក់ ១-ឈ្មោះ សាវិញ ចាន់ ភេទប្រុស អាយុ៣៤ឆ្នាំ ជាអ្នកបើកបរម៉ូតូម៉ាកហុងដាវ៉េវ គ្មានស្លាកលេខ, ២-ឈ្មោះសាវិញ គា ភេទប្រុស អាយុ២៤ឆ្នាំ ជាបងប្អូននឹងគ្នា, ៣-ឈ្មោះយន់ យ៉ា ភេទប្រុស អាយុ១៩ឆ្នាំ ទាំង៣នាក់មានទីលំនៅភូមិភ្នំដី ឃុំភ្នំដី ស្រុកភ្នំស្រុក ខេត្តបន្ទាយមានជ័យ ៕
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ