ពពកផ្សែងនិងផេះ បានហុយឡើងលើកម្ពស់ជាច្រើនគីឡូម៉ែត្រ ។ ភ្នំភ្លើង Turrialba បានផ្ទុះទៀតកាលពីថ្ងៃទី២៣ មេសា នៅប្រទេសកូស្តារីកា ញ៉ាំងឱ្យមានការបិទព្រលានយន្តហោះអន្តរជាតិក្រុងសាន់ហ្សូសេ ។
ពពកផ្សែងនិងផេះ បានហុយឡើងលើកម្ពស់ជាច្រើនគីឡូម៉ែត្រ ។ ភ្នំភ្លើង Turrialba បានផ្ទុះទៀតកាលពីថ្ងៃទី២៣ មេសា នៅប្រទេសកូស្តារីកា ញ៉ាំងឱ្យមានការបិទព្រលានយន្តហោះអន្តរជាតិក្រុងសាន់ហ្សូសេ ។
សារព័ត៌មានអេឡិចត្រូនិក Costa Rica News រាយការណ៍ថា មនុស្សជាង៤ពាន់នាក់ត្រូវបានជម្លៀសចេញពីរង្វង់២០គីឡូម៉ែត្រ ជុំវិញភ្នំភ្លើងនេះ ។
អ្នកនាំពាក្យក្រុមហ៊ុន ដែលគ្រប់គ្រងព្រលានយន្តហោះនិយាយថា ការបិទព្រលានយន្តហោះJuan Santamaria ស្ថិតនៅចម្ងាយ៨០គីឡូម៉ែត្រ ពីភ្នំភ្លើង នាំឱ្យផ្អាករាល់ការហោះហើរ របស់យន្តហោះដើម្បីជាការបង្ការគ្រោះថ្នាក់ ។ ផ្លូវយន្តហោះក្រាលដោយផេះ ដែលយើងនឹងចាត់វិធានការចាំបាច់នានាធ្វើឱ្យព្រលានដំណើរការវិញ ឱ្យបានឆាប់បំផុត ។
ព្រលានយន្តហោះនេះ ធ្លាប់បិទរួចហើយ កាលពីពាក់កណ្តាលខែមីនា រយៈពេល២ថ្ងៃ ដោយសារការបញ្ចេញផេះភ្នំភ្លើងនេះ រហូតដល់រដ្ឋធានី ។ ភ្នំភ្លើងមានកម្ពស់៣.៣៤០ម៉ែត្រនោះកាលពីខែតុលា ឆ្នាំ២០១៤ ក៏ធ្លាប់បញ្ចេញផេះ និងកំអែរដែរ ៕
ចែករំលែកព័តមាននេះ