ឥណ្ឌូណេស៊ីត្រៀមប្រហារជីវិតអ្នកទោសរត់ពន្ធគ្រឿងញៀ.ន10នាក់
អាជ្ញាធរឥណ្ឌូណេស៊ីប្រកាសកាលពីថ្ងៃទី២៣ មេសាថា បានផ្តល់បទបញ្ជាឱ្យរៀបចំការប្រហារជីវិតអ្នកទោសរត់ពន្ធគ្រឿងញៀ.ន១០នាក់ពិសេសពួកជនបរទេស ក្នុងនោះមានជនជាតិបារាំង
អាជ្ញាធរឥណ្ឌូណេស៊ីប្រកាសកាលពីថ្ងៃទី២៣ មេសាថា បានផ្តល់បទបញ្ជាឱ្យរៀបចំការប្រហារជីវិតអ្នកទោសរត់ពន្ធគ្រឿងញៀន១០នាក់ពិសេសពួកជនបរទេស ក្នុងនោះមានជនជាតិបារាំងម្នាក់ឈ្មោះ SERGE ATLAOUI ដែលញ៉ាំងឱ្យបារាំង និងសហភាពអឺរុ៉បមានការក្តៅក្រហាយ ។
អ្នកនាំពាក្យរបស់ការិយាល័យអគ្គរដ្ឋអាជ្ញានិយាយថា បទបញ្ជាបានចេញឱ្យធ្វើការរៀបចំសម្រាប់ការប្រហារជីវិតជនទាំងនេះហើយ ។
សហភាពអឺរ៉ុបដែលរួមប្រជុំកំពូលកាលពីថ្ងៃទី២៣ មេសា នៅទីក្រុងព្រុចសែល បានបញ្ចេញប្រតិកម្មយ៉ាងខ្លាំងថា សហភាពអឺរុ៉បប្រឆាំងទាំងស្រុងចំពោះទោសប្រហារជីវិត ។ បែបនេះពុំអាចឆ្លើយតបចំពោះការរត់ពន្ធគ្រឿងញៀនបានឡើយ ។ នេះជាសម្តីរបស់ប្រធានក្រុមប្រឹក្សាអឺរុ៉បលោក DONALD TUSK ។
ប្រធានាធិបតីបារាំងលោកហ្វ្រង់ស្វ័រហូឡង់ អះអាងថា លោកនឹងធ្វើអ្វីគ្រប់យ៉ាងរហូតដល់នាទីចុងក្រោយដើម្បីកុំឱ្យមានការប្រហារជីវិតលោក SERGE ATLAOUI ។ ការលុបចោលទោសប្រហារជីវិតសម្រាប់យើងជាគោលការណ៍សំខាន់មួយ ។ សម្រាប់លោក SERGE ATLAOUI ការសម្លាប់រូបគេ ពុំមែនជាការដាក់ទោសទេ ។
អ្នកទោសត្រូវប្រហារជីវិតទាំង១០នាក់មានជនជាតិអូស្ត្រាលី បារាំង ប្រេស៊ីល ហ្វ៊ីលីពីន នីហ្សេរីយ៉ា ហ្គាណា និងឥណ្ឌូណេស៊ី ៕
ចែករំលែកព័តមាននេះ