សមាជិករដ្ឋាភិបាលជប៉ុន2រូបទៅកាន់យ៉ាស៊ូគូនី
យោងតាមកាសែតបារាំង LE MONDE ថា សមាជិក២រូបរបស់រដ្ឋាភិបាលលោកនាយករដ្ឋមន្ត្រីជប៉ុន ស៊ីនហ្សូ អាបេ កាលពីព្រឹកថ្ងៃទី២៣ មេសា បានទៅកាន់ទីតាំងគោរពវិញ្ញាណក្ខ័ន្ធយ៉ាស៊ូគូនី
យោងតាមកាសែតបារាំង LE MONDE ថា សមាជិក២រូបរបស់រដ្ឋាភិបាលលោកនាយករដ្ឋមន្ត្រីជប៉ុន ស៊ីនហ្សូ អាបេ កាលពីព្រឹកថ្ងៃទី២៣ មេសា បានទៅកាន់ទីតាំងគោរពវិញ្ញាណក្ខ័ន្ធយ៉ាស៊ូគូនី
យោងតាមកាសែតបារាំង LE MONDE ថា សមាជិក២រូបរបស់រដ្ឋាភិបាលលោកនាយករដ្ឋមន្ត្រីជប៉ុន ស៊ីនហ្សូ អាបេ កាលពីព្រឹកថ្ងៃទី២៣ មេសា បានទៅកាន់ទីតាំងគោរពវិញ្ញាណក្ខ័ន្ធយ៉ាស៊ូគូនី ក្រុងតូក្យូ ដែលទីតាំងនេះត្រូវបានចិន និងកូរ៉េខាងត្បូង ចាត់ទុកជានិមិត្តរូបនៃអតីតកាលយោធានិយមជប៉ុន ។
លោកស្រី អឺរីកូ យ៉ាម៉ាតានី ប្រធានគណៈកម្មាធិការជាតិខាងសន្តិសុខសាធារណៈ មានឋានៈស្មើរដ្ឋមន្ត្រីបានទៅកាន់យ៉ាស៊ូគូនី នាព្រឹកព្រលឹមដោយលើកហេតុផលថា នោះជាឆន្ទៈទៅគោរពវិញ្ញាណក្ខ័ន្ធបណ្តាអ្នកដែលបានបូជាជីវិតដើម្បីមាតុភូមិ ។ បន្ទាប់មកនាពាក់កណ្តាលថ្ងៃ រដ្ឋមន្ត្រីជប៉ុន១រូបទៀត លោកស្រី ហារូគូ អារីមូរី ទទួលបន្ទុកបញ្ហាស្ត្រីក្នុងផ្ទៃ គណៈរដ្ឋមន្ត្រីក៏បានទៅកាន់ទីនោះដែរ ។
កាលពីថ្ងៃទី២២ មេសា តំណាងរាស្ត្រជប៉ុនជាង១០០រូបនៃគណបក្សផ្សេងៗ ក៏បានទៅទៅកាន់យ៉ាស៊ូគូនី នាឱកាសបុណ្យនិទាឃរដូវដែរ ។ ទីតាំងយ៉ាស៊ូគូនីជាកន្លែងគោរពវិញ្ញាណក្ខ័ន្ធមនុស្ស២,៥លាននាក់ ដែលបានបូជាជីវិតដើម្បីមាតុភូមិ ក៏ប៉ុន្តែនៅទីនោះក៏បានចារឈ្មោះ ឧក្រិដ្ឋជនសង្គ្រាម១៤នាក់ ដែលពួកសម្ព័ន្ធមិត្តកាត់ទោសក្រោយសង្គ្រាមលោកលើកទី២ដែរ ។
ទស្សនកិច្ចរបស់លោកស្រី យ៉ាម៉ាតានី នៅទីនោះអាចញាំុងឱ្យមានការតវា៉ថ្មីៗរបស់ក្រុងប៉េកាំង និងក្រុងសេអ៊ូល ដែលទស្សនកិច្ចនោះធ្វើឡើងប៉ុន្មានម៉ោងប៉ុណ្ណោះ បន្ទាប់ពីការជួបគ្នារយៈពេលខ្លីមួយនៅទីក្រុងហ្សាការតារវាងប្រធានាធិបតីចិន លោក ស៊ី ជីនពីង និងលោក ស៊ីនហ្សូអាបេ សំដៅកែលម្អឡើងវិញដល់ទំនាក់ទំនងរវាងប្រទេសជិតខាងទាំង២ដែលមានភាពរកាំរកូសនឹងគ្នា ព្រោះតែជម្លោះប្រវត្តិសាស្ត្រនិងដែនដី ៕
ចែករំលែកព័តមាននេះ