រាជធានីភ្នំពេញ៖ វត្តភ្នំជារមណីដ្ឋានដ៏ស្រស់បំព្រងនឹងជាបេះដូងនៃរាជធានីភ្នំពេញនៅពេលថ្ងៃ ប៉ុន្តែនៅពេលយប់វិញគឺបានប្រែក្លាយទៅជាតំបន់អសន្តិសុខ សំបូរទៅដោយចោរឆក់ ប្លន់ ស្ទើររាល់យប់ ជាពិសេសតំបន់នេះគឺសំបូរទៅដោយស្ត្រីរកស៊ីផ្លូវភ្លេទ ព្រោងព្រៀតទៅវីញ។ចំណែកអាជ្ញាធរមានសមត្ថកិច្ចជាពិសេសលោកមេប៉ុស្តិ៍វត្តភ្នំនោះហាក់ដូចជាហី អើ ៗទៅវិញ ។
ជាមួយគ្នានោះអ្នកភូមិតែងតែមានការភិតភ័យជារៀងរាល់យប់ចាប់ពីចន្លោះម៉ោង៩យប់ទៅនៅតំបន់រង្វង់មូលវត្តភ្នំដែលជារមណីដ្ឋាននឹងជាបេះដូងនៃរាជធានីភ្នំពេញនេះបានប្រែក្លាយជាតំបន់អសន្តិសុខ ដោយពួកក្រុមងងឹតបានចេញធ្វើសកម្មភាពគ្រប់រូបភាព ឆក់ ប្លន់ ជាដើម ។
អ្វីដែលគួរឲ្យគត់សម្គាល់នោះរមណីដ្ឋានប្រវត្តិសាស្ត្រនេះបានប្រែក្លាយទៅជាតំបន់សំបូរទៅដោយស្ត្រីរកស៊ីផ្លូវភេទនឹងក្រុមក្មេងៗអន្ធពាលផ្តុំគ្នាសែបគ្រឿងញៀនផងដែរ ។
យ៉ាងណានោះគេសង្កេតឃើញអំពើចោរកម្មប្រភេទឆក់ ល្បួងយកទៅប្លន់ ពួកក្រុមងងឹតតែងតែយកស្ត្រីរកស៊ីផ្លូវភេទធ្វើជានុយ ដើម្បីសម្រេចផែនការណ៍របស់ពួកគេ ។ជាមួយនោះអ្នកភូមិបានសង្កត់ធ្ងន់ៗថាមិនមែនអាជ្ញាធរមានសមត្ថកិច្ចមិនដឹងនោះទេ ពោលដូចពាក្យចាស់លោកថាដេកលក់ស្រួលដាស់ ប៉ុន្តែបើធ្វើដេកគឺពិបាកដាសណាស់ ។
ជាថ្មីម្តងទៀតប្រជាពលរដ្ឋបានសំណូមពរយ៉ាងទទូចទៅលោកអភិបាលខណ្ឌដូនពេញមេត្តាជួយមើលសុខទុក្ខរបស់ពួកគាត់ផង ៕
ចែករំលែកព័តមាននេះ