វាយម្តាយនិងក្មួយស្រីព្រោះខឹងសុំលុយទិញស្រាផឹកមិនបាន
ខេត្តកំពង់ស្ពឺ ៖ អាវុធហត្ថក្រុងច្បារមនបានឃាត់ខ្លួនបុរសម្នាក់ដែលបានប្រើហិ.ង្សាទៅលើម្តាយ និងក្មួយស្រីបន្ទាប់ពីបុរសនោះសុំលុយម្តាយទៅទិញស្រាផឹកមិនបាន ។
ខេត្តកំពង់ស្ពឺ ៖ អាវុធហត្ថក្រុងច្បារមនបានឃាត់ខ្លួនបុរសម្នាក់ដែលបានប្រើហិ.ង្សាទៅលើម្តាយ និងក្មួយស្រីបន្ទាប់ពីបុរសនោះសុំលុយម្តាយទៅទិញស្រាផឹកមិនបាន ។
ខេត្តកំពង់ស្ពឺ ៖ អាវុធហត្ថក្រុងច្បារមនបានឃាត់ខ្លួនបុរសម្នាក់ដែលបានប្រើហិង្សាទៅលើម្តាយ និងក្មួយស្រីបន្ទាប់ពីបុរសនោះសុំលុយម្តាយទៅទិញស្រាផឹកមិនបាន ។
មន្ត្រីកងរាជអាវុធហត្ថក្រុងច្បារមនបានឱ្យដឹងថា ករណីប្រើអំពើហិង្សានេះកើតឡើងកាលពីវេលាម៉ោង១ថ្ងៃត្រង់ ថ្ងៃទី២៥ ខែកុម្ភៈ ឆ្នាំ២០១៥ នៅចំណុចភូមិពាណិជ្ជកម្ម សង្កាត់រកាធំ ក្រុងច្បារមន ដែលបង្កឡើងដោយបុរសម្នាក់ឈ្មោះ ហុង ភារម្យ អាយុ៣១ឆ្នាំ មុខរបរមិនពិតប្រាកដ ។
ប្រភពដដែលបានឱ្យដឹងទៀតថា បន្ទាប់ពីទទួលបានព័ត៌មានថាមានអំពើហិង្សាក្នុងគ្រួសារដែលបង្កឡើងដោយកូនប្រុសបានវាយម្តាយ និងក្មួយស្រីដោយសារតែខឹងមិនព្រមឱ្យលុយទៅទិញស្រាផឹក ទើបសមត្ថកិច្ចចុះទៅឃាត់ខ្លួនយកមកធ្វើការអប់រំ ។
នៅចំពោះមុខសមត្ថកិច្ច ជនសង្ស័យបានឆ្លើយសារភាពថា មូលហេតុដែលបណ្តាលឱ្យរូបគេប្រើអំពើហិង្សាទៅលើម្តាយ និងក្មួយស្រីនេះដោយសាតែរូបគេស្រវឹងស្រា ម្យ៉ាងទៀតពេលនោះរូបគេបានសុំលុយម្តាយប្រុងយកទៅទិញស្រាផឹក តែម្តាយមិនព្រមឱ្យ ទើបធ្វើឱ្យរូបគេមានកំហឹង ក៏វាយម្តាយ និងក្មួយស្រីបែបនេះទៅ ។ ក្រោយពេលឃាត់ខ្លួន សមត្ថកិច្ចបានធ្វើការអប់រំណែនាំឱ្យឈប់ប្រើអំពើហិង្សាបែបនេះទៀត ។
សូមបញ្ជាក់ផងដែរថា នៅព្រឹកថ្ងៃទី២៦ ខែកុម្ភៈ ឆ្នាំ២០១៥ នេះដែរ ម្តាយ និងបងប្អូនជនសង្ស័យបានមកធានាយកទៅអប់រំបន្តទៀត ។ ជនសង្ស័យបានធ្វើកិច្ចសន្យាចំពោះមុខសមត្ថកិច្ចថា ចាប់ពីថ្ងៃនេះតទៅរូបគេឈប់ធ្វើឱ្យម្តាយ និងបងប្អូនពិបាកដោយសាររូបគេទៀតហើយ ៕
ចែករំលែកព័តមាននេះ