ចេញពីខារ៉ាអូខេស្រវឹងជោកជាំ ជិះម៉ូតូទៅបុករថយន្តចតស្ងៀម ធ្លាយខួរស្លា.ប់ទាំង៣នាក់
ខេត្តឧត្តរមានជ័យ ៖ គ្រោះថ្នាក់ចរាចរណ៍មួយកើតឡើងគួរឱ្យរន្ធត់ ខណៈម៉ូតូC125មួយគ្រឿង ពាក់ស្លាកលេខកំពង់ធំ 1E84-87 ជិះ
ខេត្តឧត្តរមានជ័យ ៖ គ្រោះថ្នាក់ចរាចរណ៍មួយកើតឡើងគួរឱ្យរន្ធត់ ខណៈម៉ូតូC125មួយគ្រឿង ពាក់ស្លាកលេខកំពង់ធំ 1E84-87 ជិះគ្នា៣នាក់ បើកក្នុងល្បឿនយ៉ាងលឿន ទៅបុកគូទរថយន្តធុនធំដែលចតស្ងៀមយ៉ាងពេញទំហឹង បណ្តាលឱ្យមនុស្ស៣នាក់បោកក្បាលទៅថ្នល់ធ្លាយខួរស្លាប់ទាំង៣ភ្លាមៗនៅនិងកន្លែងកើតហេតុ កាលពីរំលងអធ្រាត្រថ្ងៃទី១០ កុម្ភៈ ២០១៥ ស្ថិតនៅលើដងផ្លូវជាតិP.R១៧៤ ក្នុងភូមិទួលស្វាយ ឃុំត្រពាំងតាវ ស្រុកអន្លង់វែង ។
ប្រភពបានឱ្យដឹងថា ជនរងគ្រោះ១-ឈ្មោះផន សុផល អាយុ២១ឆ្នាំ ២-ឈ្មោះបូ ណុប អាយុ២០ឆ្នាំ ទាំង២នាក់នេះ មានទីលំនៅក្នុងភូមិទួលស្វាយ ឃុំត្រពាំងតាវ ស្រុកអន្លង់វែង ខេត្តឧត្តរមានជ័យ ៣-ឈ្មោះរ៉ា ភ័ត្រា អាយុ១៩ឆ្នាំ មានទីលំនៅឯខេត្តកំពត មកស្នាក់នៅលេងជាមួយបងប្អូន ។ សពជនរងគ្រោះទាំង៣នាក់ ត្រូវសមត្ថកិច្ចប្រគល់ទៅឱ្យសាច់ញាតិយកទៅធ្វើបុណ្យទៅតាមប្រពៃណី
បើតាមសម្តីពីសាច់ញាតិជនរងគ្រោះឱ្យដឹងថា មុនពេលកើតហេតុនៅវេលាម៉ោង០៦ល្ងាចថ្ងៃទី០៩ កុម្ភៈ ២០១៥ ក្រុមយុវជនមានចំនួន៥ ទៅ៦នាក់ រស់នៅក្នុងភូមិ-ឃុំកើតហេតុខាងលើ បានបបួលគ្នាជិះម៉ូតូចំនួន២គ្រឿងទៅចូលច្រៀង និងផឹកស៊ីក្នុងស្រុកអន្លង់វែង រហូតដល់ស្រវឹងជោកជាំនោះ ពួកគេបាន វឹលត្រឡប់មកផ្ទះវិញ ។ ដោយឡែកម៉ូតូដែលជិះមកមុន បានមកដល់ផ្ទះ ចំណែកម៉ូតូដែលជិះតាមក្រោយបានជួបគ្រោះថ្នាក់ចរាចរណ៍បែបនេះ ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ