ខេត្តកំពង់ធំ ៖ ស្រ្តីបំរើការក្នុងខារ៉ាអូខេយីហោម្លប់ដូង ត្រូវបានរថយន្តបុកឲ្យស្លា.ប់ទាំង២នាក់សង្សារ ក្រោយពេលស្រវឹងធ្លាក់ភ្នែកជួបនិងគ្រោះថ្នាក់ចរាចរណ៏។ ហេតុការណ៍នេះកើតឡើងកាលពីវេលាម៉ោង ១២និង៣០នាទីរំលងអាធ្រាត្រ ឈានចូលថ្ងៃទី១៩ ខែមករា ឆ្នាំ២០១៥ នៅចំណុចភូមិឈើទាល ឃុំកំពង់ចិនត្បូង
ខេត្តកំពង់ធំ ៖ ស្រ្តីបំរើការក្នុងខារ៉ាអូខេយីហោម្លប់ដូង ត្រូវបានរថយន្តបុកឲ្យស្លាប់ទាំង២នាក់សង្សារ ក្រោយពេលស្រវឹងធ្លាក់ភ្នែកជួបនិងគ្រោះថ្នាក់ចរាចរណ៏។ ហេតុការណ៍នេះកើតឡើងកាលពីវេលាម៉ោង ១២និង៣០នាទីរំលងអាធ្រាត្រ ឈានចូលថ្ងៃទី១៩ ខែមករា ឆ្នាំ២០១៥ នៅចំណុចភូមិឈើទាល ឃុំកំពង់ចិនត្បូង ស្រុកស្ទោង ខេត្តកំពង់ធំ ។
លោក វរៈសេនីយ៍ត្រី ហ៊ុន ហៀត អធិការការង ស្រុកស្ទោង ទទួលផែនចរាចរណ៍ សណ្តាប់ធ្នាប់បានឲ្យដឹងថាហេតុការណ៍ដ៏រន្ធត់មួយបានបង្ករឲ្យមានការភ្ញាក់ផ្អើល១គឺមានគូសង្សារមួយគូដោយសារតែទឹកប្តូរនិស្ស័យ ក្រោយពេលចេញពីហាងខារ៉ាអូរខេម្លប់ដូង ក៏ជូបប្រទះនិងគ្រោះថ្នាក់ចរាចរណ៍ ស្លាប់យ៉ាងអាណោចអាធ័មទាំង២នាក់ ដោយសារតែត្រូវបានរថយន្ត មួយគ្រឿងដែលធ្វើដំណើរពីខេត្តសៀមរាប ឆ្ពោះទៅខេត្តខេត្តកំពង់ធំ បើកមកបុកម៉ូតូម៉ាកសង់សេ១២៥ សេរីឆ្នាំ២០១១របស់ជនរងគ្រោះកំពុងបើកឌុបគ្នា បណ្តាលឲ្យជនរងគ្រោះទាំង២នាក់ស្លាប់ភ្លាមៗនៅនឹងកន្លែងកើតហេតុ ។
ជនរងគ្រោះទី១.ឈ្មោះ សរ ស្រីកា ហៅស្រីនាង ភេទស្រី អាយុ៣១ឆ្នាំ រស់នៅខេត្តស្វាយរៀង មកធ្វើជាអ្នកបំរើភ្ញៀវក្នុងហាងខារ៉ាអូខេយីហោម្លប់ដូង និងទី២. ឈ្មោះ សុខ កង ភេទប្រុស អាយុ៣៥ឆ្នាំ ជាសង្សារមានមុខរបរជាជាងផ្ទះ រស់នៅភូមិបេង ឃុំបន្ទាយស្ទោង ស្រុកស្ទោង ។
ក្រោយពេលកើតហេតុមានស្រ្តីម្នាក់បានអះអាងថាជាប្រពន្ឋជនរងគ្រោះ បានតាមរកប្តីរបស់គាត់ស្ទើរពេញមួយយប់មិនឃើញទៅផ្ទះ ក្រោយមកទើបដឹងថា បុរសដែលបានស្លាប់ជាមួយនារី ខារ៉ាអូខេ ដែលត្រូវរថយន្តបុកនោះគឺជាប្តីរបស់គាត់។ ដោយសារតែខឹងប្តីក្បត់ចិត្ត ទៅមាននារីជាអ្នកបំរើការនៅក្នុងហាងខារ៉ាអូខេ ហើយត្រូវរថយន្តបុកស្លាប់ ធ្វើឲ្យស្ត្រីជាប្រពន្ធហួសចិត្ត និងបានឲ្យគេលើកយកសាកសពទៅផ្ទះទាំងយប់។ ចំណែកសពនារីរងគ្រោះ ត្រូវបានសមត្ថកិច្ច ដឹកយកទៅតម្កល់ទុកនៅវត្តព្រះនាងរងចាំសាច់ញ្ញាតិមកទទួល យកទៅធ្វើបុណ្យតាមប្រពៃណី បើមិនមានសាច់ញ្ញាតិមកទទួលទេនោះ និងត្រូវបូជា។
ចែករំលែកព័តមាននេះ