រថយន្តឡិចស៊ីសបុកម៉ូតូមួយគ្រឿង របួសយុវសិស្ស២នាក់ រួចជ្រុលទៅបុកបង្គោលភ្លើងបាក់មួយដើមទៀត
រាជធានីភ្នំពេញ ៖ មានហេតុការណ៍គ្រោះថ្នាក់ចរាចរណ៍មួយបានកើតឡើង បន្ទាប់ពីរថយន្តម៉ាកឡិចស៊ីស RX 300 មួួយគ្រឿង បាន
រាជធានីភ្នំពេញ ៖ មានហេតុការណ៍គ្រោះថ្នាក់ចរាចរណ៍មួយបានកើតឡើង បន្ទាប់ពីរថយន្តម៉ាកឡិចស៊ីស RX 300 មួួយគ្រឿង បានបើកបុកម៉ូតូម៉ាក Today ជិះដោយយុវសិស្ស២នាក់ ក្នុងនោះរងរបួសធ្ងន់ម្នាក់ រួចក៏ជ្រុលទៅបុកបង្គោលភ្លើងបាក់មួយដើមទៀតបណ្តាលជាប់ជាមួយរថយន្ត កាលពីវេលាម៉ោង០៩ និង១០នាទីព្រឹកថ្ងៃទី១០ មករា ២០១៥ នេះ ស្ថិតនៅចំណុចផ្លូវណតប្រ៊ីត មុខស្ថានីយទូរទស្សន៍អាស៊ីអាគ្នេយ៍ក្នុងភូមិត្រែងរលើង សង្កាត់ទឹកថ្លា ខណ្ឌសែនសុខ ។
ប្រភពបានឱ្យដឹងថា អ្នកបើកបររថយន្តឈ្មោះប៊ុន វាសនា អាយុ២៧ឆ្នាំ មានទីលំនៅក្នុងភូមិសំបួរ សង្កាត់ដង្កោ ខណ្ឌដង្កោ ជិះរថយន្តម៉ាកឡិចស៊ីស ពណ៌ស្ករ ពាក់ស្លាកលេខ 2W-1571 ។ ចំណែកក្មេងប្រុសរងគ្រោះទាំង២នាក់មិនត្រូវបានស្គាល់អត្តសញ្ញាណនោះទេ ជិះម៉ូតូម៉ាកToday ពណ៌ក្រហម ពាក់ស្លាកលេខ1CL-8667 ។
ប្រភពបន្តថា មុនពេលកើតហេតុ គេឃើញរថយន្តឡិចស៊ីសធ្វើដំណើរពីទិសខាងជើង ទៅត្បូង លុះមកដល់ចំណុចកើតហេតុ ក៏មានម៉ូតូ៥-៦គ្រឿងជិះប្រុងបត់ត្រឡប់ក្រោយ ពេលនោះរថយន្តទាញចង្កូតអត់ទាន់ក៏បុកម៉ូតូមួយគ្រឿង និងបុកបង្គោលភ្លើងបាក់ជាប់ជាមួយរថយន្ត បណ្តាលឱ្យក្រពិតផ្នែកខាងមុខយ៉ាងដំណំ ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ