លោក Ecclestone ត្រូវបានតែងតាំងជាក្រុមប្រឹក្សាពាណិជ្ជកម្ម F1
Bernie Eccleston អតីតប្រធានហ្វមមូឡាវ័នពិភពលោក ត្រូវបានតែងតាំងជាថ្មីក្នុងក្រុមប្រឹក្សាទទួលបន្ទុកផ្នែកពាណិជ្ជកម្មរបស់ក្រុមហ៊ុនហ្វមមូឡាវ័ន F1 Group ។
Bernie Eccleston អតីតប្រធានហ្វមមូឡាវ័នពិភពលោក ត្រូវបានតែងតាំងជាថ្មីក្នុងក្រុមប្រឹក្សាទទួលបន្ទុកផ្នែកពាណិជ្ជកម្មរបស់ក្រុមហ៊ុនហ្វមមូឡាវ័ន F1 Group ។
Bernie Eccleston អតីតប្រធានហ្វមមូឡាវ័នពិភពលោក ត្រូវបានតែងតាំងជាថ្មីក្នុងក្រុមប្រឹក្សាទទួលបន្ទុកផ្នែកពាណិជ្ជកម្មរបស់ក្រុមហ៊ុនហ្វមមូឡាវ័ន F1 Group ។
ស្ថិតក្នុងវ័យ៨៤ឆ្នាំ លោក Ecclestone កាលពីពេលថ្មីៗនេះ ត្រូវបានបង្ខំឱ្យចុះចេញពីតំណែងក្នុងពេលរូបលោកជាប់ក្តីក្តាំក្នុងតុលាការពីបទសូកប៉ាន់ ។ យ៉ាងណាក៏ដោយ ការចោទ ប្រកាន់ទាំងនោះត្រូវបានបញ្ចប់ទៅវិញបន្ទាប់ពីលោកយល់ព្រមបង់ប្រាក់៦០លានផោនទៅឱ្យគូភាគីជម្លោះក្នុងតុលាការរបស់ប្រទេសអាល្លឺម៉ង់ ។
ក្រៅពីនេះ ក្រុមហ៊ុន F1 Group ក៏បានតែងតាំងលោក Luca Di Montezemolo អតីតអ្នកចាត់ការក្រុម Ferrari និងលោក Paul Walsh ជាអ្នកជំនួញក្នុងក្រុមប្រឹក្សាពាណិជ្ជកម្មរបស់ខ្លួនផងដែរ ។ លោកទាំងពីរនឹងប្រតិបត្តិតួនាទីក្នុងនាមជាប្រធានមិនប្រតិបត្តិ ខណៈលោក Ecclestone ជាអគ្គនាយក ។
ការផ្លាស់ប្តូរក្នុងក្រុមប្រឹក្សាពាណិជ្ជកម្មក្រុមហ៊ុន F1 Group ត្រូវគេមើលឃើញថា ជាជោគជ័យរបស់លោក Ecclestone ដែលតំណែងរបស់លោករងការរង្គោះរង្គើក្នុងរឿងក្តីតុលាការ ។ លោកបានថ្លែងថា ៖ «ខ្ញុំសប្បាយចិត្តនៅទីនេះ ដរាបណាក្រុមប្រឹក្សាពាណិជ្ជកម្មពេញចិត្ត ។ នៅពេលខ្ញុំយល់ថា ខ្លួនឯងមិនមានអ្វីថ្មីដើម្បីចែករំលែកបន្តទៀតនោះ ខ្ញុំនឹងចូលនិវត្តន៍ភ្លាម ។ ប៉ុន្តែ មិនមែននៅដំណាក់កាលនេះទេ» ។
សូមបញ្ជាក់ថា លោក Bernie Ecclestone បានកាន់កាប់ហ្វមមូឡាវ័ននៅចុងឆ្នាំ១៩៧០ ។ លោកធ្លាប់ចូលរួមក្នុងនាមជាអ្នកបើកបរចំនួន២កម្មវិធីអំឡុងឆ្នាំ១៩៥៨ ។ ប៉ុន្តែមិនទទួលបានជោគជ័យនោះទេ ៕
ចែករំលែកព័តមាននេះ