ដើម្បីផ្តល់កិត្តិយសដល់កំពូលកីឡាករខ្សែប្រយុទ្ធ រ៉ូណាល់ដូ របស់ក្លិប Real M គេបានសាងសង់រូបសំណាកថ្មីមួយទៀតដែលកម្ពស់ ៣,៤ម៉ែត្រ នៅលើកោះ Madeira ប្រទេសព័រទុយហ្គាល់ ដែលជាទីកន្លែងកំណើតរបស់កីឡាកររូបនេះ ។
បន្ទាប់ពីមកដល់ស្រុកកំណើតឃើញរូបសំណាករបស់ខ្លួនដ៏ធំស្កឹមស្កៃបែបនេះ កីឡាករ រ៉ូណាល់ដូ បានបង្ហាញអារម្មណ៍រំភើបចិត្តយា៉ងខ្លាំងដោយនិយាយថា ៖ «នេះគឺជាឱកាសមួយដ៏ល្អដែលមានរូបសំណាករបស់ខ្ញុំដាក់តាំងនៅទីនេះ ពីព្រោះវាគឺជាស្រុកកំណើតរបស់ខ្ញុំ» ។
នេះមិនមែនជារូបសំណាកលើកទីមួយរបស់រ៉ូណាល់ដូនោះទេ តាមពិតធ្លាប់មានរូបសំណាកជាច្រើនដាក់តាំងនៅសារមន្ទីររបស់គេពីមុនមក ក៏ប៉ុន្តែនេះគឺជារូបសំណាកដែលមានកម្ពស់ខ្ពស់ និងទំហំធំជាងគេ ៕
ចែករំលែកព័តមាននេះ