គេហទំព័របច្ចេកវិទ្យា AndroidOS ឱ្យដឹងថា ក្រុមហ៊ុនជប៉ុន Sony ត្រៀមប្រកាសណែនាំស្មាតហ្វូនម៉ូដែលថ្មីរបស់ខ្លួនគឺ Sony Xperia E4 ក្នុងព្រឹត្តិការណ៍តាំងពិពរ័ណ៍បច្ចេកវិទ្យា CES ឆ្នាំ២០១៥ ។
លក្ខណៈពិសេសរបស់ស្មាតហ្វូន Sony Xperia E4 ទំហំ៥អីុិញ កម្រិតភ្លឺច្បាស់ ៥៤០គុណនឹង៩៦០ភិចស៊ែល អេក្រង់ប្រភេទ IPS ប៉ះផ្ទាល់លើអេក្រង់អាចប្រើម្រាមដៃពីរក្នុងពេលតែមួយជាមួយនឹងពន្លឺ១៦ពណ៌ ព្រមទាំងការពារដោយកញ្ចក់ Shatter proof glass ធន់នឹងការធ្លាក់បែក និងជ្រាបទឹក ។ កម្លាំងម៉ាស៊ីន CPU Quad-Core ល្បឿន១.៣ជីហ្គាហឺត GPU Mali-400MP4 និងភ្ជាប់ដោយបន្ទះ Chip ប្រភេទ Mediatek MT6582 ។ RAM 1 ជីហ្គាបៃ និងប្រើប្រាស់ម៉េម៉ូរីកាត microSD។ កាមេរ៉ាមុខមិនមានទេ កាមេរ៉ាក្រោយ ៥មេហ្គាភិចស៊ែល និងមានពន្លឺ Flash LED ។
ស្មាតហ្វូន Sony Xperia E4 ដំណើការដោយប្រព័ន្ធប្រត្តិបត្តិការ Android OS, v4.4.4 (KitKat) ថាមពលថ្មប្រើប្រាស់ ២៥០០មីលី្លអំពែ និងរំលេចដោយពណ៌ស និងពណ៌ខ្មៅ ។ ក្រុមហ៊ុន Sony មិនប្រកាសពីតម្លៃទេ ៕
ចែករំលែកព័តមាននេះ