កីឡាការិនីវាយកូនបាល់លំដាប់ទី១ ពិភពលោក ស៊េរីណា វីលៀម បញ្ជាក់កាលពីពេលថ្មីៗកន្លងទៅនេះថា ខ្លួនរំពឹងអាចយកឈ្នះពានជើងឯកព្រឹត្តិការណ៍ Brisbane International ដែលនឹងរៀបចំធ្វើនាដើមខែមករា ឆ្នាំ២០១៥នៅប្រទេសអូស្ត្រាលីជាលើកទី៣ ។
កីឡាការិនីវាយកូនបាល់លំដាប់ទី១ ពិភពលោក ស៊េរីណា វីលៀម បញ្ជាក់កាលពីពេលថ្មីៗកន្លងទៅនេះថា ខ្លួនរំពឹងអាចយកឈ្នះពានជើងឯកព្រឹត្តិការណ៍ Brisbane International ដែលនឹងរៀបចំធ្វើនាដើមខែមករា ឆ្នាំ២០១៥នៅប្រទេសអូស្ត្រាលីជាលើកទី៣ ។
សម្រាប់កីឡាការិនីអាមេរិករូបនេះ ការចូលរួមក្នុងព្រឹត្តិការណ៍ Brisbane International គឺជាការរៀបចំខ្លួនត្រៀមដណ្តើមយកពានក្របខ័ណ្ឌធំ Australian Open នារដូវកាលថ្មីឆ្នាំ ២០១៥ ។
នៅក្នុងការប្រកួតដែលមានរយៈពេល៧ថ្ងៃចាប់ពីថ្ងៃទី៤ ដល់ថ្ងៃទី១១ មករា ស៊េរីណា នឹងប៉ះជាមួយគូប្រជែងខ្លាំងៗមួយចំនួនមានដូចជា នាងវិចតូរីយ៉ា អាហ្សារេនកា (ជើងឯកឆ្នាំ២០០៩) នាងម៉ារីយ៉ា សារ៉ាប៉ូវ៉ា នាងជេលីណា ជែនកូវិច នាងការ៉ូលីន វ៉ូនីអាកគី និងនាងអាណា អុីវ៉ាណូវិច ជាដើម ។
ព្រមពេលជាមួយគ្នានោះដែរ កីឡាករស្វ៊ីសរ៉ូជើ ហ្វេដឺរ័រ ជ័យលាភីលេខ២ ឆ្នាំ២០១៣ កីឡាករក្រូអាស៊ី Marin Cilic ម្ចាស់ពានក្របខ័ណ្ឌធំ ឆ្នាំ២០១៤ និងកីឡាករជប៉ុន Kei Nishikori ក៏បានប្រកាសពីការចូលរួមផងដែរ ។
នាយកព្រឹត្តិការណ៍ Brisbane Internatinal លោក Cameron Pearson បានថ្លែងថា ខ្លួនពិតជារីករាយដែលទទួលបានព័ត៌មានពីការចូលរួមរបស់កីឡាករ/កីឡាការិនីលំដាប់កំពូលៗពិភពលោក ជាពិសេសគឺកីឡាករហ្វេដឺរ័រ និងកីឡាការិនី ស៊េរីណា វីលៀម ៕
ចែករំលែកព័តមាននេះ