ទូរស័ព្ទស្មាតហ្វូនដ៏គួរឱ្យស្រឡាញ់របស់លោកអ្នកប្រសិនបើមានការធ្វេសប្រហែសធ្លាក់ចូលក្នុងទឹកនោះ វានឹងនាំកង្វល់មិនចេះចប់មិនចេះហើយជាមិនខាន ដូចនេះដើម្បីស្ដារស្ថានការណ៍ដ៏អាប់អួនោះឡើងវិញ សូមលើកយកនូវវិធីសម្ងួតទូរស័ព្ទiPhone ក្រោយពេលធ្លាក់ចូលទឹកចៀសវាងខូចនាំបញ្ហាចូល
ទូរស័ព្ទស្មាតហ្វូនដ៏គួរឱ្យស្រឡាញ់របស់លោកអ្នកប្រសិនបើមានការធ្វេសប្រហែសធ្លាក់ចូលក្នុងទឹកនោះ វានឹងនាំកង្វល់មិនចេះចប់មិនចេះហើយជាមិនខាន ដូចនេះដើម្បីស្ដារស្ថានការណ៍ដ៏អាប់អួនោះឡើងវិញ សូមលើកយកនូវវិធីសម្ងួតទូរស័ព្ទiPhone ក្រោយពេលធ្លាក់ចូលទឹកចៀសវាងខូចនាំបញ្ហាចូលផ្ទះដូចតទៅ ៖
១-បិទទូរស័ព្ទភ្លាមៗ ៖ ប្រសិនបើអ្នកទុកឱ្យវានៅដំណើរការធម្មតាដោយមិនបានបិទចំពោះទូរស័ព្ទiPhone /iPod នឹងបន្តស្រូបកយថាមពលពីថ្ម ។
២-បឺតឬស្រូបយកទឹកចេញពីទូរស័ព្ទយឺតៗ៖ ដោយប្រើបបូរមាត់បឺតនៅផ្នែកខាងក្រោមទូរស័ព្ទ(នៅតាមរន្ធកាស ឬរន្ធបញ្ចូលថ្ម) ប៉ុន្តែសូមកុំធ្វើហួសប្រមាណឱ្យសោះគឺត្រឹមតែ១០ទៅ១៥វិនាទីទៅបានហើយ ។
៣-ប្រើឧបករណ៍ផ្លុំសម្ងួតវា៖ យកឧបករណ៍ផ្លុំសម្ងួតវាក្នុងសីតុណ្ហភាពក្ដៅល្មមកុំខ្លាំងឱ្យសោះ ។ កាន់តម្រង់ម៉ាស៊ីនផ្លុំនោះក្នុងទិសពីក្រោមឡើងលើនៃតួទូរស័ព្ទ ។ នៅពេលផ្លុំខ្យល់សម្ងួតត្រូវបំលាស់ទីវាពីផ្នែកខាងមុខមកក្រោយ និងពីម្ខាងទៅម្ខាងទៀតឱ្យបានគ្រប់គ្រុងជ្រោយ ។ ប៉ុន្តែសូមចងចាំថាអនុវត្តវាត្រឹមតែ២០ទៅ២៥នាទីទៅបានហើយ ។ តមកទៀតងាកមកផ្លុំត្រង់ផ្នែកខាងមុខនិងក្រោយឱ្យប្រមាណជា១០ទៅ១៥វិនាទីក្នុងកម្រិតស៊ីតុណ្ហភាពក្ដៅល្មម។
៤-ទុក ឬដាក់ទូរស័ព្ទលើកៅអីនៅមុខកង្ហារ ឬម៉ាស៊ីនត្រជាក់តាមដែលអាចធ្វើទៅបាន ឬមួយត្រូវដាក់វាឱ្យឆ្ងាយពីម៉ាស៊ីនផ្លុំសម្ងួតឱ្យបាន១,៥ម៉ែត្រ ប្រសិនបើពុំមានកង្ហារឬម៉ាស៊ីនត្រជាក់ ។
៥-ក្រោយពេលអនុវត្តកិច្ចការងារខាងលើចប់សព្វគ្រប់ហើយ អ្នកពិនិត្យមើលវាថាតើទូរស័ព្ទអ្នកប្រសើរឡើងឬបើកបានធម្មតាវិញឬយ៉ាងណា ។ តមកទៀតគឺយកវាទៅសាកបញ្ចូលថ្មហើយសង្កេតមើលតើវាប្រក្រតីឬយ៉ាងណា ។ ប្រសិនបើទូរស័ព្ទអ្នកដើរTouch Screen មិនស្រួលរាងទាក់ៗ កិច្ចការតមកទៀតគឺមួលខ្ចៅដោះវាចេញតែម្ដង ។
៦-កុំព្យាយាមធ្វើនៅរឿងមិនអំណោយផលដែលអ្នកបានអនុវត្តកន្លងមករហូតនាំឱ្យធ្លាក់ទូរស័ព្ទចូលទឹកម្ដងទៀត ។
ប្រសិនបើអ្នកភ្លាត់ស្នៀតមិនប្រយ័ត្នធ្លាក់ចូលក្នុងទឹកម្ដងទៀតនោះ សូមចងចាំថាគួរអនុវត្តតាមការសម្ងួតវាលើគ្រឿងបំពងសំឡេង(Speaker )ខណៈពេលកំពុងសម្អាតទឹកចេញ ៕
ចែករំលែកព័តមាននេះ