រាជធានីភ្នំពេញ ៖ បុរសបុរសម្នាក់រួមនិងមិត្តភក្តិ២នាក់ទៀតជិះម៉ូតូពីរគ្រឿងទៅយកសង្សារនៅម្តុំគិរីរម្យ ស្រាប់តែប្រទះឃើញបុរសម្នាក់ជិះរថយន្តតូយ៉ូតាព្រូសមួយគ្រឿង ដែលធ្លាប់ដឹកសង្សាររបួសខ្លួន ក៏នាំគ្នាយកដុំថ្មជិះដេញគប់រថយន្តតូយ៉ូតូតាព្រូសនោះបែកកញ្ចក់ក្រោយ ធ្វើឱ្យម្ចាស់រថយន្តខឹងក៏បានជិះរថយន្តដេញ
រាជធានីភ្នំពេញ ៖ បុរសម្នាក់រួមនិងមិត្តភក្តិ២នាក់ទៀតជិះម៉ូតូពីរគ្រឿងទៅយកសង្សារនៅម្តុំគិរីរម្យ ស្រាប់តែប្រទះឃើញបុរសម្នាក់ជិះរថយន្តតូយ៉ូតាព្រូសមួយគ្រឿង ដែលធ្លាប់ដឹកសង្សាររបួសខ្លួន ក៏នាំគ្នាយកដុំថ្មជិះដេញគប់រថយន្តតូយ៉ូតូតាព្រូសនោះបែកកញ្ចក់ក្រោយ ធ្វើឱ្យម្ចាស់រថយន្តខឹងក៏បានជិះរថយន្តដេញបំបុក បណ្តាលឱ្យបុរសម្នាក់រងរបួសដៃ។ ហេតុការណ៍នេះកើតឡើងកាលពីវេលាម៉ោង ២ និង៣០នាទីរំលងអាធ្រាត្រឈានចូល ថ្ងៃទី ១១ ធ្នូ ២០១៤ នៅចំណុផ្លូវលេខ៦១កែង និង ចំណតទូទៅសំពៅមាស ស្ថិតក្នុងសង្កាត់បឹងព្រលិត ខណ្ឌ៧មករា ។
ប្រភពព័ត៌មានពីកន្លែងកើតហេតុបានឱ្យដឹងថា នៅមុនពេលកើតហេតុ គេឃើញបុរសម្នាក់ រួមជាមួយមិត្តិភក្តិ២នាក់ទៀតជិះម៉ូតូពីរគ្រឿងម៉ាកDUKE និងហុងដាឌ្រីម សេ១២៥ បានឌុបគ្នាចេញពីកក្លិបកម្សាន្ត ដឹបេស ដោយធ្វើដំណើរទៅយកសង្សារនៅម្តុំគិរីរម្យ ពេលនោះក៏បានប្រទះឃើញបុរសម្នាក់ជិះរថយន្តតូយ៉ូតាព្រូស ពណ៌ស ពាក់ស្លាកលេខ2K-4035 ធ្លាប់បើករថយន្តដឹកសង្សាររបស់ខ្លួនហើយក៏នាំគ្នាយកដុំថ្មដេញគប់រថយន្តតូយ៉ូតាព្រូសនោះបណ្តាលឱ្យបែកកញ្ចក់ក្រោយ ធ្វើឱ្យបុរសម្ចាស់រថយន្តខឹងក៏បានជិះរថយន្តតាមដេញបំបុកម៉ូតូពីរគ្រឿង នោះរហូតមកដល់ចំណុចផ្លូវលេខ៦១កែង និង ចំណតទូទៅសំពៅមាស ក៏មានរថយន្តកាមរីបាឡែន មួយគ្រឿងទៀតដែលជារថយន្តរបស់មិត្តភក្តិរថយន្តតូយ៉ូតាព្រូសបានបើកបំបុកម៉ូតូហុងដាឌ្រីម បណ្តាលឱ្យអ្នកជិះរបួសដៃ ចំណែកម៉ូតូDUKE ជិះគេចខ្លួនបាត់ នៅសល់តែបុរសជិះម៉ូតូហុងដាឌ្រីមម្នាក់ឯងតែប៉ុណ្ណោះ ។
ក្រោយកើតហេតុសមត្ថកិច្ចមូលដ្ឋានបានមកដល់ឃើញភាគីទាំងពីរចោទដាក់គ្នាទៅវិញទៅមក ដោយភាគីខាងម៉ូតូថាភាគីខាងរថយន្តធ្វើបានខ្លួនដោយជិះរថយន្តដេញបុកគេចំណែកភាគីខាងរថយន្តថា មកពីភាគីម៉ូតូយកដុំថ្មដេញគប់រថយន្តគេមុន ។ ដោយសារតែភាគីទាំងពីរមិនអាចសម្របសម្រួលគ្នាបាន ដូច្នេះសមត្ថកិច្ចយកទាំងម៉ូតូ និង រថយន្តទៅកាន់ប៉ុស្តិ៍នគរបាលរដ្ឋបាលបឹងព្រលិតដើម្បីដោះស្រាយគ្នាតាមនិតិវិធីច្បាប់ ។
ចែករំលែកព័តមាននេះ