រាជធានីភ្នំពេញ ៖ ខ្សែអាត់សំឡេងដែលគេអះអាងថា ពិតជាសំឡេងរបស់ឧកញ៉ា ថោង សារ៉ាត់ ជនជាប់ចោទជាមេខ្លោងឃាតករត្រូវបានគេបញ្ជូនតៗគ្នាក្នុងបណ្ដាញសង្គមហ្វេសប៊ុក ហើយគេហទំព័រនានាបានផ្សាយផងដែរ ដោយសារតែរឿងក្ដីឃាតក.ម្មបា.ញ់សម្លា.ប់ឧកញ៉ាអឹុង ម៉េងជឺ
រាជធានីភ្នំពេញ ៖ ខ្សែអាត់សំឡេងដែលគេអះអាងថា ពិតជាសំឡេងរបស់ឧកញ៉ា ថោង សារ៉ាត់ ជនជាប់ចោទជាមេខ្លោងឃាតករត្រូវបានគេបញ្ជូនតៗគ្នាក្នុងបណ្ដាញសង្គមហ្វេសប៊ុក ហើយគេហទំព័រនានាបានផ្សាយផងដែរ ដោយសារតែរឿងក្ដីឃាតកម្មបាញ់សម្លាប់ឧកញ៉ាអឹុង ម៉េងជឺ បានក្លាយជារឿងភាគដែលកំពុងតាមដានគ្រប់ព្រឹត្តិការណ៍ឱ្យដឹងច្បាស់ថាដល់ណាហើយ ។ ឆ្លើយតបទៅនឹងខ្សែអាត់សំឡេងដែលអះអាងថា ខ្លួនជាឧកញ៉ាថោង សារ៉ាត់ នេះត្រូវបានមន្ត្រីសមត្ថកិច្ចមួយរូបដែលសិ្នទ្ធនឹងប្រតិបត្តិការសើុបអង្កេតរហូតទទួលផលមកដល់ពេលនេះបានបង្ហាញនូវមតិយោបល់ថា បើឧកញ៉ាថោង សារ៉ាត់ មិនមែនជាមេខ្លោងក្នុងឃាតកម្មនោះទេ តើខ្លាចអ្វីមកប្រឈមតតាំងចំពោះមុខច្បាប់ ។
លោកថា យើងបានអនុវត្តទៅតាមច្បាប់ ដូចជាករណីឃាត់ខ្លួនក្រុមអង្គរក្សពីថ្ងៃទី១ ធ្នូ គឺឃាត់ទាំងឧកញ៉ាថោង សារ៉ាត់ ប៉ុន្តែបានឱ្យវិលត្រឡប់ទៅលំនៅឋានវិញ ដោយសារតែមិនទាន់បានទទួលចម្លើយសារភាព ។ មន្ត្រីសមត្ថកិច្ចដដែលបានអះអាងថា រាល់ការសាកសួរយកចម្លើយ សុទ្ធតែស្ថិតនៅចំពោះមុខមេធាវីការពារក្ដី ដែលយើងមិនអាចធ្វើទារុណកម្មយកចម្លើយបាននោះទេ ។ ដូច្នេះអ្វីៗជាចម្លើយសារភាពរបស់ក្រុមអង្គរក្សទាំងអស់មិនមែនជាការកាឡៃពី.សឱ្យទៅជាខ្មៅនោះទេ ។ មន្ត្រីដដែលបានបន្លុយថា ប្រទេសយើងកាន់ព្រះពុទ្ធសាសនា អ្នកធ្វើល្អបានល្អ អ្នកសាងបាបគឺបានបាប មិនចាំជាតិក្រោយនោះទេ ។ ជាមួយនឹងការគេចខ្លួនរបស់ឧកញ៉ាថោង សារ៉ាត់ មានប្រភពព័ត៌មានក្រៅផ្លូវការមួយបន្លុយឱ្យដឹងថា រថយន្តមួយគ្រឿងដែលទំនងជារថយន្តរបស់ឧកញ៉ា ថោង សារ៉ាត់ ត្រូវបានគេចតទុកនៅកន្លែងផ្ញើរថយន្តនៅក្រុងបាវិត បុ៉ន្តែមន្ត្រីបូ៉លិសមិនទាន់បញ្ជាក់ពីអត្តសញ្ញាណរថយន្តនោះទេ ។
ចំណែកព័ត៌មានថា ឧកញ៉ា ថោង សារ៉ាត់ ជិះទូកគេចខ្លួនទៅប្រទេសវៀតណាមកាលពីថ្ងៃទី២ ធ្នូ នោះ មិនមានព័ត៌មានថ្មីបន្ថែមជុំវិញបញ្ហានេះទេ ។ អ្នកតាមដាននានានៅតែមានមន្ទិលថា ឧកញ៉ា ថោង សារ៉ាត់ ទំនងជាមិនចេញទៅក្រៅប្រទេសទេ ទំនងមិនរត់ទៅដល់ជើងមេឃទេ គឺអាចលាក់ខ្លួនក្នុងរាជធានីភ្នំពេញក៏ថាបានដែរ។ គេថា ឆ្ងាយដូចជើងមេឃ ដែលទីបំផុតសង្ស័យឆ្ងាយដូចជើងមុងក៏ថាបានព្រោះកន្លែងគ្រោះថ្នាក់ខ្លះ អាចផ្ដល់សុវត្ថិភាពក៏មានដែរ ។ ពេលនេះការលាក់ខ្លួនរបស់ឧកញ៉ា ថោង សារ៉ាត់ ពិតជាគ្មាននរណាម្នាក់ដឹងទេ បុ៉ន្តែការរត់គេចខ្លួន តើមានរយៈពេលបុ៉ន្មានទៅព្រោះដីកាចាប់ខ្លួនមានរួចរាល់ហើយ ។ ជាមួយនឹងរឿងរ៉ាវក្រឡាប់ចាក់នេះ បានធ្វើឱ្យការសាងសង់អចលនទ្រព្យធំៗរបស់បុរី៩៩៩ កំពុងចាប់ផ្តើមជួបនឹងបញ្ហាហើយ ទោះបីជាក្រុមហ៊ុននៅដំណើរការជាធម្មតាក្តី ។ តាមការកត់សម្គាល់រាល់សកម្មភាពផ្សេងៗហាក់បានបញ្ឈប់ រង់ចាំមើលមេឃ មើលផ្កាយរួចទៅហើយ ។ តាមព័ត៌មានមួយឱ្យដឹងថា ថ្ងៃទី៩ ធ្នូ ក្រុមអ្នករកស៊ីប្រមាណ៥០ ទៅ៦០នាក់ បានប្រមូលផ្តុំគ្នានៅមុខទីតាំងក្រុមហ៊ុនក្បែរផ្សារហេងលី ក្នុងខណ្ឌទួលគោក ដើម្បីទារសំណងដែលក្រុមហ៊ុនរបស់ឧកញ៉ាថោង សារ៉ាត់ មិនទាន់បានទូទាត់ ។
បុរសម្នាក់ដែលជាអ្នកផ្គត់ផ្គង់ទ្វារបង្អួចបំពាក់សំណង់របស់ក្រុមហ៊ុន បាននិយាយថា ក្រុមហ៊ុននៅខ្វះតែ៨ពាន់ដុល្លារទេ បើទារលុយមិនបានទេ គាត់មានតែដោះយកទ្វារបង្អួចបង្គ្រប់តម្លៃដែលនៅជំពាក់គាត់ហើយ ។ តាមប្រភពថា មានក្រុមហ៊ុនលក់គ្រឿងសំណង់ខ្លះក៏ជាប់ប្រាក់មិនទាន់ទូទាត់រាប់ម៉ឺនដុល្លារដែរ មានដែកនិងសីុម៉ង់ត៍ជាដើម ហើយទំនងជំពាក់ថ្លៃគ្រឿងសំណង់ច្រើនក្រុមហ៊ុនទៀតរាប់សែនដុល្លារអត់ខ្វះ ។ តាមព័ត៌មានពីតំណាងក្រុមហ៊ុនថានឹងអាចមានការធ្វើសន្និសីទកាសែតមួយជុំវិញបញ្ហារបស់ក្រុមហ៊ុន ដែលមិនទាក់ទងទៅនឹងបញ្ហារឿងក្ដីដ៏ចម្រូងចម្រាសនោះទេ តែមិនច្បាស់ថា តើនឹងធ្វើឡើងដោយបែបណា បើមេក្រុមហ៊ុនជាប់ឃុំនិងខ្លះរត់គេចខ្លួនអស់ទៅហើយនោះ ។
ក្រុមអ្នកដែលនាំគ្នាទៅទាមទារលុយពីក្រុមហ៊ុន បានឱ្យដឹងថា នៅថ្ងៃនេះ(១០ ធ្នូ)ពួកគេនឹងប្រមូលផ្ដុំគ្នាទៅតវ៉ាជាថ្មីទៀត ។ តាមប្រភពថា សូម្បីតែបុគ្គលិកក្រុមហ៊ុនក៏មានការរំជើបរំជួលដែរ ព្រោះមិនច្បាស់លាស់ពីអនាគតរបស់ក្រុមហ៊ុន ៕
ចែករំលែកព័តមាននេះ