កីឡាករកុងតាឌ័រឈ្នះពានប្រចាំឆ្នាំ Velo d’Or
កីឡាករប្រណាំងកង់អេស្ប៉ាញ អាល់បឺតូ កុងតាឌ័រ បានឈ្នះពានកីឡាករឆ្នើមប្រចាំឆ្នាំឈ្មោះ Velo d’ Or បន្ទាប់ពីដណ្តើមបានជ័យជម្នះក្នុងព្រឹត្តិការណ៍សំខាន់ៗមួយចំនួន ។
កីឡាករប្រណាំងកង់អេស្ប៉ាញ អាល់បឺតូ កុងតាឌ័រ បានឈ្នះពានកីឡាករឆ្នើមប្រចាំឆ្នាំឈ្មោះ Velo d’ Or បន្ទាប់ពីដណ្តើមបានជ័យជម្នះក្នុងព្រឹត្តិការណ៍សំខាន់ៗមួយចំនួន ។
កីឡាករប្រណាំងកង់អេស្ប៉ាញ អាល់បឺតូ កុងតាឌ័រ បានឈ្នះពានកីឡាករឆ្នើមប្រចាំឆ្នាំឈ្មោះ Velo d’ Or បន្ទាប់ពីដណ្តើមបានជ័យជម្នះក្នុងព្រឹត្តិការណ៍សំខាន់ៗមួយចំនួន ។
នៅក្នុងការបោះឆ្នោតដែលរៀបចំដោយទស្សនាវដ្តីប្រណាំងកង់បារាំងឈ្មោះ Velo កុងតាឌ័រ បានយកឈ្នះកីឡាករអង់គ្លេសគ្រីស ហ្វ្រូម ដែលជាម្ចាស់ជើងឯកក្របខ័ណ្ឌ Tour of Britain ឆ្នាំ២០១៣ ។
យ៉ាងណាក៏ដោយ របួសបាក់ឆ្អឹងជើងឆ្វេងបានបង្ខំឱ្យកីឡាករជើងខ្លាំងរូបនេះដកខ្លួនទាំងពាក់កណ្តាលនៃការប្រកួតព្រឹត្តិការណ៍ប្រណាំង Tour de France ឆ្នាំ២០១៤ ។ ប៉ុន្តែក្រោយមក គេបានយកឈ្នះពានព្រឹត្តិការណ៍ Tour of Spain លើទឹកដីកំណើតរបស់ខ្លួន ។
វាជាជ័យជម្នះក្របខ័ណ្ឌធំលើកទី៦ ក្នុងអាជីពរបស់គេហើយ ដោយក្នុងនោះរាប់បញ្ចូលទាំងជ័យជម្នះ Tour de France ឆ្នាំ២០០៧-២០០៩ និង Tour of Italy ឆ្នាំ២០០៨ ផងដែរ ។
យ៉ាងណាក៏ដោយ កុងតាឌ័រ ត្រូវបានគេដកហូតយកវិញនូវពាន Tour de France ឆ្នាំ២០១០ និងពាន Tour of Italy ឆ្នាំ២០១១ បន្ទាប់ពីត្រូវបានរកឃើញប្រើប្រាស់សារធាតុហាមឃាត់ Clenbutarol ។
គួរកត់សម្គាល់ថា នេះជាលើកទី៣ហើយដែលកីឡាករកុងតាឌ័រ យកឈ្នះពានកិត្តិយសមួយនេះ ខណៈជ័យជម្នះលើកទី១ និងទី២ របស់គេកើតមាននៅឆ្នាំ២០០៧ និង២០០៨ ៕
ចែករំលែកព័តមាននេះ