ជើងឯកហ្វមមូឡាវ័នពិភពលោក៤សម័យកាលសេបាស្ទៀន វេតទែល កាលពីពេលថ្មីៗនេះបានចុះហត្ថលេខាលើកុងត្រាមានរយៈពេល៣ឆ្នាំជាមួយនឹងក្រុមថ្មី Ferrari ។ ការចុះហត្ថលេខានេះបានកើតមានក្រោយការចាកចេញរបស់កីឡាករអេស្ប៉ាញហ្វឺណាន់ដូ អាឡុនសូ ។ អាឡុនសូ វ័យ៣៣ឆ្នាំ ដែល
ជើងឯកហ្វមមូឡាវ័នពិភពលោក៤សម័យកាលសេបាស្ទៀន វេតទែល កាលពីពេលថ្មីៗនេះបានចុះហត្ថលេខាលើកុងត្រាមានរយៈពេល៣ឆ្នាំជាមួយនឹងក្រុមថ្មី Ferrari ។ ការចុះហត្ថលេខានេះបានកើតមានក្រោយការចាកចេញរបស់កីឡាករអេស្ប៉ាញហ្វឺណាន់ដូ អាឡុនសូ ។ អាឡុនសូ វ័យ៣៣ឆ្នាំ ដែលជាជើងឯកពិភពលោក២សម័យកាលនោះនឹងទៅចូលរួមក្នុងក្រុម McLaren ចាប់ពីឆ្នាំ២០១៥បើទោះណា គេនៅជាប់កុងត្រា២ឆ្នាំទៀតក្តី ។
ការចាកចេញរបស់វេតទែល ពីក្រុម Red Bull ត្រូវបានប្រកាសភ្លាមៗផងដែរបន្ទាប់ពីក្រុម McLaren អះអាងថា ខ្លួនបានចុះហត្ថលេខាលើកុងត្រាប្រណាំងថ្មីមួយមានរយៈពេល២ឆ្នាំជាមួយកីឡាករអាឡុនសូ ។
វេតទែល វ័យ២៧ឆ្នាំបានថ្លែងថា ៖ «កាលនៅពីតូច ខ្ញុំធ្លាប់គិតថា ម៉ៃឃើល ស្គូម៉ាតឈ័រ គឺជាវីរបុរសរបស់ខ្ញុំ ។ វាជាកិត្តិយសដ៏ធំធេងដែលទទួលបានឱកាសបើកបរឱ្យក្រុម Ferrari» ។
នៅជាមួយក្រុមអុីតាលីមួយនេះ វេតទែលនឹងចាប់ដៃគូជាមួយកីឡាករហ្វាំងឡង់គីមី រ៉េកកូណិន ។ លោក Marco Mattiacci អ្នកចាត់ការក្រុមបានថ្លែងថា៖ « Scuderia Ferrari បានសម្រេចចិត្តដាក់ការស្មោះត្រង់របស់ខ្លួនជាមួយជើងឯកពិភពលោកវ័យក្មេងបំផុតក្នុងប្រវត្តិហ្វមមូឡាវ័ន» ។
ក្រុម Ferrari ធ្លាប់ឈ្នះជើងឯកពិភពលោកមួយលើកកាលឆ្នាំ២០០៧ ក្រោយពីកីឡាកររ៉េកកូណិន ដណ្តើមបានចំណាត់ថ្នាក់កំពូល ។ លោក Mattiacci បានបន្តថា ៖ «វេតទែលគឺជាកីឡាករដែលមានការប្រមូលផ្តុំពិសេសរវាងយុវវ័យភាព និងបទពិសោធន៍ ។ គេបាននាំមកនូវព្រលឹងជូនដល់ក្រុម ហើយដែលវាគឺជាអ្វីមិនអាចកាត់ថ្លៃបាន» ៕
ចែករំលែកព័តមាននេះ