ដើម្បីចូលរួមការងារសប្បុរសធម៌ជួយដល់មន្ទីរពេទ្យកុមារ Alder Hey នៅក្នុងទីក្រុង Liverpool ក្រុមហ៊ុនផលិតសម្លៀកបំពាក់ Matalan បានជ្រើសរើសយកមនុស្សល្បីៗរួមមានកីឡាករ គ្រូបង្វឹក សិល្បករ-សិល្បការិនី ដើម្បីចូលរួមបង្ហាញម៉ូដកន្សែងបង់កក្នុងយុទ្ធនាការរៃអង្គាសប្រាក់សប្បុរសធម៌ ដែលនឹងប្រព្រឹត្តទោនៅក្នុងអំឡុងពេលបុណ្យណូអែល ។ ក្នុងចំណោមជនល្បីៗទាំងនោះ មានកីឡាករខ្សែប្រយុទ្ធដ៏មុតស្រួចរបស់ក្លិបបិសាចក្រហម Man Utd ម្នាក់ដែរគឺរ៉ូនី ដែលត្រៀមខ្លួនក្នុងការបង្ហាញម៉ូដ កន្សែងបង់កដែលរៀបចំឡើងដោយក្រុមហ៊ុនផលិតសម្លៀកបំពាក់ Matalan ។
ក្រៅពីកីឡាករ រ៉ូនី នៅមានកីឡាករ Peter Crouch ក្លិប Stoke លោក Brendam Rodgers គ្រូបង្វឹកក្លិប Liverpool កីឡាករប្រដាល់ ដាវីដ ហេ រួមនឹងតារាចម្រៀងល្បីៗដូចជាព្រីតនី្នសស្ពៀរ, Jessic J ជាដើម ។ តាមគម្រោងរៀបចំរបស់ក្រុមហ៊ុន Matalan បានឱ្យដឹងថា ក្រុមហ៊ុននឹងតម្រូវឱ្យអ្នកដើរម៉ូដទាំងអស់បង់កកន្សែងដែលមានរៀបតាមលំដាប់អក្សរពី Aដល់Z ហើយកន្សែងទាំងនោះនឹងត្រូវយកទៅដាក់លក់ក្នុងតម្លៃចន្លោះពី៥ទៅ១០ដុល្លារ ដើម្បីយកប្រាក់ជួយដល់មន្ទីរពេទ្យកុមារ ៕
ចែករំលែកព័តមាននេះ