មនុស្សស្ទើរគ្រប់គ្នាបានដឹងហើយថា ការហាត់ប្រាណទៀងទាត់ជួយជំរុញដល់សុខភាពបេះដូង និងកាត់បន្ថយហានិភ័យធាត់លើសទម្ងន់ ប៉ុន្តែ តាមការស្រាវជ្រាវថ្មីចុងក្រោយមួយទៀតរបស់ក្រុមអ្នកវិទ្យាសាស្ត្រអៀរឡង់បានបង្ហាញថា ការហាត់ប្រាណជាប្រចាំអាចជួយបង្កើនបាក់តេរីល្អគ្រប់ប្រភេទក្នុងពោះវៀនផងដែរ ។ ក្រុមអ្នកស្រាវជ្រាវនិយាយថា លក្ខណៈបែបនេះពិតជាពិសេស
មនុស្សស្ទើរគ្រប់គ្នាបានដឹងហើយថា ការហាត់ប្រាណទៀងទាត់ជួយជំរុញដល់សុខភាពបេះដូង និងកាត់បន្ថយហានិភ័យធាត់លើសទម្ងន់ ប៉ុន្តែ តាមការស្រាវជ្រាវថ្មីចុងក្រោយមួយទៀតរបស់ក្រុមអ្នកវិទ្យាសាស្ត្រអៀរឡង់បានបង្ហាញថា ការហាត់ប្រាណជាប្រចាំអាចជួយបង្កើនបាក់តេរីល្អគ្រប់ប្រភេទក្នុងពោះវៀនផងដែរ ។ ក្រុមអ្នកស្រាវជ្រាវនិយាយថា លក្ខណៈបែបនេះពិតជាពិសេសខ្លាំងណាស់ ដ្បិតការថយចុះបាក់តេរីគ្រប់ប្រភេទក្នុងពោះវៀន ជាប់ទាក់ទងនឹងការធាត់លើសទម្ងន់ព្រមទាំងធ្វើឱ្យចុះខ្សោយប្រព័ន្ធការពាររាងកាយ ។
នៅក្នុងការពិសោធលើបណ្តាកីឡាករបាល់ឱបអាជីពចំនួន៤០នាក់ និងអ្នកស្ម័គ្រចិត្ត៤៦នាក់ផ្សេងទៀតដែលមិនមែនជាកីឡាករ ក្រុមអ្នកស្រាវជ្រាវមកពីសាកលវិទ្យាល័យ University College of Cork បានរកឃើញថា កម្រិតរលាករបស់ក្រុមកីឡាករបាល់ឱបគឺទាបជាងក្រុមមនុស្ស៤៦នាក់ដែលមិនហាត់ប្រាណឬលេងកីឡា ពោល បើទោះណាជា កម្រិតអង់ហ្ស៊ីមបង្ហាញពីការបំផ្លាញសាច់ដុំនិងជាលិកា CK របស់ពួកគេបានឡើងខ្ពស់យ៉ាងណាក្តី ។ ដោយឡែក ចំនួនបាក់តេរីគ្រប់ប្រភេទរបស់ក្រុមកីឡាករបាល់ឱបក៏បានកើនឡើងខ្ពស់ជាងមុនផងដែរ ។
ក្រុមអ្នកស្រាវជ្រាវបានថ្លែងថា ៖«ការរកឃើញរបស់យើងបានចង្អុលបង្ហាញថា លំហាត់ប្រាណគឺជាកត្តាសំខាន់មួយផ្សេងទៀត នៅក្នុងទំនាក់ទំនងរវាងអតិសុខុមជីវសាស្ត្រ ប្រព័ន្ធប្រឆាំងនឹងមេរោគ ការរំលាយអាហារព្រមទាំងរបបអាហារផងដែរ »។ វេជ្ជបណ្ឌិត Georgina Holdមកពីសាកលវិទ្យាល័យ Aberdeen University ប្រទេសស្កុតឡែនបានថ្លែងថា៖ «ការយល់ដឹងពីទំនាក់ទំនងដ៏ស្មុគស្មាញចំពោះអ្វីដែលយើងជ្រើសរើសយកមកទទួលទាន កម្រិតសកម្មភាពនិងភាពសម្បូរបែបអតិសុខុមជីវសាស្ត្រក្នុងពោះវៀនគឺជារឿងសំខាន់បំផុត»។ លោកស្រីបានបន្ថែមថា ៖«ខណៈអាយុកាលមធ្យមបន្តកើនឡើងវាពិតជាសំខាន់ដែលយើងត្រូវយល់ដឹងពីវីធីល្អបំផុតដើម្បីថែរក្សាសុខភាពឱ្យបានល្អ ។ បញ្ហានេះមិនសំខាន់ជាងវត្តមានអតិសុខុមជីវសាស្ត្រក្នុងខ្លួនយើងទេ »៕
ចែករំលែកព័តមាននេះ