នាង Simona Halep នឹងត្រូវប៉ះជាមួយនាងស៊េរីណា វីលៀម ក្នុងវគ្គផ្តាច់ព្រ័ត្រនៃព្រឹត្តិការណ៍កីឡាវាយកូនបាល់ដំណាច់ឆ្នាំ WTA Championships បន្ទាប់ពីពួកគេទាំង២នាក់បានយកឈ្នះគូប្រកួតរៀងៗខ្លួនក្នុងវគ្គពាក់កណ្តាលផ្តាច់ព្រ័ត្រកាលពីថ្ងៃសៅរ៍ ទី២៥ តុលា នៅប្រទេសសិង្ហបុរី ។
នាង Simona Halep នឹងត្រូវប៉ះជាមួយនាងស៊េរីណា វីលៀម ក្នុងវគ្គផ្តាច់ព្រ័ត្រនៃព្រឹត្តិការណ៍កីឡាវាយកូនបាល់ដំណាច់ឆ្នាំ WTA Championships បន្ទាប់ពីពួកគេទាំង២នាក់បានយកឈ្នះគូប្រកួតរៀងៗខ្លួនក្នុងវគ្គពាក់កណ្តាលផ្តាច់ព្រ័ត្រកាលពីថ្ងៃសៅរ៍ ទី២៥ តុលា នៅប្រទេសសិង្ហបុរី ។
Halep បំបាក់កីឡាការិនីប៉ូឡូញ Agnieszka Radwanska ក្នុងលទ្ធផល៦-២ និង៦-២ ខណៈនាងស៊េរីណា យកឈ្នះកីឡាការិនីដាណឺម៉ាកការ៉ូលីន វ៉ូនីអាក់គី ក្នុងលទ្ធផល២-៦, ៦-៣ និង៧-៦ ។
ថ្លែងបន្ទាប់ពីយកឈ្នះការប្រកួត កីឡាការិនីរូម៉ានីរូបនេះបានបញ្ជាក់ថា ៖ «ខ្ញុំធ្លាប់ចាញ់នាង Radwanska ច្រើនដងរួចហើយ ដូច្នេះជ័យជម្នះលើកនេះពិតជាធ្វើឱ្យខ្ញុំសប្បាយចិត្តខ្លាំងណាស់។ ប្រកួតជាមួយកីឡាការិនីជើងខ្លាំងលំដាប់ពិភពលោកដូចជានាង ខ្ញុំត្រូវតែរត់ឱ្យបានលឿន ។ នាងធ្លាប់បានគ្រងតំណែងលេខ១លើលោកអស់មួយរដូវកាលមកហើយ ដូច្នេះនៅមុនការប្រកួតខ្ញុំបានត្រៀមខ្លួនរួចជាស្រេច» ។
នៅឆ្នាំនេះ Halep ធ្លាប់ជួបជាមួយនាងRadwanska ចំនួន៥លើក ដោយក្នុងនោះឈ្នះតែ១លើកប៉ុណ្ណោះ គឺនៅវគ្គពាក់កណ្តាលផ្តាច់ព្រ័ត្រនាពេលនេះ ។
និយាយពីការជួបប្រកួតជាមួយនាងស៊េរីណា វគ្គផ្តាច់ព្រ័ត្រ Halep ដែលបច្ចុប្បន្នជាកីឡាការិនីលំដាប់ទី៤ ពិភពលោកបានបញ្ជាក់ថា ៖ «វាពិតជារឿងពិបាកមួយដែលជួបប្រកួតជាមួយនាងស៊េរីណា ។ តែយ៉ាងណា នាងជាជនដែលត្រូវធ្លាក់ គឺជាជនដែលខ្ញុំត្រូវតែបំបាក់» ។
សម្រាប់នាងស៊េរីណាវិញ លទ្ធផលនេះបានធ្វើឱ្យនាងកាន់តែខិតចូលជិតនឹងពានកម្មវិធីនេះ ជាលើកទី៣ ជាប់ៗគ្នា ។ នៅក្នុង២៩ប្រកួតដែលនាងចូលរួមកន្លងមក ស៊េរីណា ចាញ់តែ១ប្រកួតប៉ុណ្ណោះ ហើយនាងដណ្តើមបានពានក្របខ័ណ្ឌធំ U.S. Open ជាលើកទី៦ ។ យ៉ាងណាក៏ដោយ ចំណាត់ថ្នាក់ពិភពលោកខ្ពស់បំផុតដែលនាងអាចទទួលបានគឺនៅតែលេខ១ ជាដដែល បើទោះនាងរងរបួស និងអវត្តមានក្នុងកម្មវិធីមួយចំនួនក្តី ៕
ចែករំលែកព័តមាននេះ