រយៈពេលត្រឹមតែ៨នាទីបុ៉ណ្ណោះ បន្ទាប់ពីលោកអាជ្ញាកណ្តាល Eriksson ផ្លុំកញ្ចែបើកការប្រកួត កីឡាករខ្សែបម្រើ Arjen Robben រកគ្រាប់បាល់បាន១គ្រាប់នាំសំណាងឱ្យក្រុម Bayern នាំមុខក្រុមម្ចាស់ផ្ទះដោយលទ្ធផល Roma 1-0 ។ ការនាំមុខ ១-០ នេះបានធ្វើឱ្យក្រុមភ្ញៀវ Bayern មានកម្លាំងចិត្តកាន់តែខ្លាំងជាមួយនឹងការវាយសង្គ្រប់ទៅលើក្រុម Roma យ៉ាងចាស់ដៃធ្វើឱ្យក្រុមម្ចាស់ផ្ទះបាត់បង់ការគ្រប់គ្រងបាល់ ហើយជាលទ្ធផលក្លិប Bayern អាចរកគ្រាប់បាល់បាន៤គ្រាប់បន្ថែមទៀតក្នុងរយៈពេល៣៧នាទី ដែលក្នុងនោះស៊ុតបាល់បញ្ចូលទីដោយកីឡាករ Gotze (នាទី២៣) កីឡាករ Lewandowski (នាទី២៥) កីឡាករ Arjen Robben (នាទី៣០) និង Muller ស៊ុតបាល់ប៉េណាល់ទីបាន១គ្រាប់បន្ថែមទៀតនៅនាទី៣៦ មុន នឹងបញ្ចប់ការប្រកួតតង់ទី១ ។
ចូលមកដល់តង់ទី២ ក្លិប Bayern ហាក់ដូចជាបន្ថយការដាក់សម្ពាធទៅលើម្ចាស់ផ្ទះ Roma ហើយឆ្លៀតឱកាសនោះ កីឡាករ Gervinho របស់ក្លិប Roma ស៊ុតបាល់បញ្ចូលទីបាន១គ្រាប់ក្នុងនាទី៦៦ ។ ទោះជាយ៉ាងណានៅចុងតង់ទី២ ក្លិប Bayern បានផ្តល់កាដូអនុស្សាវរីយ៍គ្រាប់បាល់២គ្រាប់បន្ថែមទៀតស៊ុតបញ្ចូលទីដោយកីឡាករ Frank Ribery នាទី៧៨ និង Shaqiri នៅនាទី៨០ ហើយបានរក្សាលទ្ធផលនេះរហូតដល់ចប់ការប្រកួត៩០នាទី ធ្វើឱ្យក្លិប Bayern ឈ្នះ Roma ដោយលទ្ធផល ៧-១ ។
ចំណែកឯលទ្ធផល៧គូទៀតគឺ ៖
-CSKA Mos 2-2 Man City
-APOEL 0-1 Paris SG
-Barcelona 3-1 Ajax
-Schalke 4-3 Lisbon
-Chelsea 6-0 Maribor
-BATE 0-7 Shakhtar
-Porto 2-1 Bilbao
ចែករំលែកព័តមាននេះ