Kokoro Scan គឺជាឧបករណ៍ពាក់ក្បាលដ៏អស្ចារ្យប្រើប្រាស់បច្ចេកវិទ្យាខ្ពស់បំផុតរបស់ជប៉ុនដែលអាចទស្សន៍ទាយពីចម្លើយរបស់មនុស្សនៅពេលដែលដៃគូម្ខាងទៀតសួរពីព័ត៌មានពាក់ព័ន្ធទៅនឹងរូបគេ ។ ឧបករណ៍មួយប្រភេទនេះបង្កើតឡើងដោយក្រុមហ៊ុន Takara Tommy មានមូលដ្ឋានក្នុងទីក្រុងតូក្យូប្រទេសជប៉ុន ។ Kokoro Scan ដំណើការដូចជាម៉ាស៊ីនPolygraph Machine ដែលត្រួតពិនិត្យលើជីពចរប្រើប្រាស់កាំរស្មីអាំងប្រា ។
ឧទាហរណ៍ជាក់ស្តែងគឺឱ្យមនុស្សម្នាក់សាកល្បងពាក់វា ហើយឱ្យដៃគូម្នាក់ទៀតសួរពាក់ព័ន្ធទៅនឹងខ្លួនគេ ។ បន្ទាប់មកវានឹងបញ្ចេញភ្លើងចំនួនបីលើថ្ងាសគឺពណ៌បៃតងបង្ហាញថា បុគ្គលនោះប្រាប់ពីចម្លើយពិត , ភ្លើងលឿងគេអាចនឹងនិយាយកុហក និងភ្លើងក្រហមគេនិយាយអាក្រក់ ។
អ្នកជំនាញរបស់ក្រុមហ៊ុនTakara Tommy និយាយថា វាជាឧបករណ៍កម្សាន្តបែបវិទ្យាសាស្ត្រទំនើបនាពេលបច្ចុប្បន្ន ពោលគឺជាការផ្សារភ្ជាប់ការទាក់ទងរវាងមនុស្សនិងមនុស្ស ។ ផលិតផលនេះមានតម្លៃ៥០ដុល្លារ និងមានវត្តមានក្នុងប្រទេសជប៉ុន និងសហរដ្ឋអាមេរិកហើយ ដោយមានបញ្ជីសំណួរចំនួន១៥ សុទ្ធសឹងជាប្រធានបទ ផ្សេងៗគ្នា ៕
ចែករំលែកព័តមាននេះ