យោងតាមគេហទំព័របរទេសចេញផ្សាយកាលពីពេល ថ្មីៗនេះឱ្យដឹងថា ក្រុមហ៊ុនសាំស៊ុងបង្កើតថ្មទូរស័ព្ទអាចពត់បានដោយសេរី។
លក្ខណៈពិសេសរបស់ថ្មទូរស័ព្ទពិសេសនោះគឺមានប្រវែង២០មីល្លីម៉ែត្រ ទទឹង៣,៦មីល្លីម៉ែត្រ និងមានថាមពលប្រើប្រាស់១០mAh។ ផលិតផលមួយប្រភេទនេះដាក់បង្ហាញនៅមហាសន្និបាត InterBattery 2014 នៅប្រទេសកូរ៉េខាងត្បូង រៀបចំឡើងដោយក្រុមហ៊ុន Samsung SDI ។
ក្រុមហ៊ុនសាំសុ៊ងបញ្ជាក់ថា វាជាថ្មទូរស័ព្ទទន់ដែលអាចពត់បត់បានដោយសេរីរបស់ពិភពលោក មិនត្រឹមតែប៉ុណ្ណោះអ្នកប្រើប្រាស់ទាំងអស់អាចកាច់វាជារាងអក្សរ U ឬពាក់វាលើកដៃក៏បានដែរ ។ យោងតាមអ្នកវិភាគវិទ្យាសាស្ត្រមួយចំនួនលើកឡើងថា នេះជាការវិវឌ្ឍទៅដល់ការប្រើ ប្រាស់បច្ចេកវិទ្យាថ្មទូរស័ព្ទអាចពត់ជារូបរាង ផ្សេងៗ ហើយនាពេលអនាគត សង្ឃឹមថាបច្ចេកវិទ្យាមួយនេះនឹងបំពេញសេចក្តីត្រូវការរបស់មនុស្សក្នុងជីវភាពប្រើប្រាស់សព្វថ្ងៃ ៕
ចែករំលែកព័តមាននេះ