ខេត្តត្បូងឃ្មុំ ៖ ក្រុមក្មេងទំនើង៦នាក់ក្នុងចំណោមគ្នា៧នាក់ សុទ្ធតែជាក្រុមជើងខ្លាំង ត្រូវបានសមត្ថកិច្ចចាប់ខ្លួនជាបន្តបន្ទាប់ ក្នុងអំពើមនុស្សឃាត និងលួចមានស្ថានទម្ងន់(ប្លន់) ប្រព្រឹត្តនៅក្នុងឡូត៍កៅស៊ូលេខ១០៧បេ ភូមិ១០៨ ឃុំថ្មពេជ្រ ស្រុកត្បូងឃ្មុំ រួចបញ្ជូនទៅកាន់សាលាដំបូងខេត្តនារសៀលថ្ងៃទី២៥ កញ្ញា
ខេត្តត្បូងឃ្មុំ ៖ ក្រុមក្មេងទំនើង៦នាក់ក្នុងចំណោមគ្នា៧នាក់ សុទ្ធតែជាក្រុមជើងខ្លាំង ត្រូវបានសមត្ថកិច្ចចាប់ខ្លួនជាបន្តបន្ទាប់ ក្នុងអំពើមនុស្សឃាត និងលួចមានស្ថានទម្ងន់(ប្លន់) ប្រព្រឹត្តនៅក្នុងឡូត៍កៅស៊ូលេខ១០៧បេ ភូមិ១០៨ ឃុំថ្មពេជ្រ ស្រុកត្បូងឃ្មុំ រួចបញ្ជូនទៅកាន់សាលាដំបូងខេត្តនារសៀលថ្ងៃទី២៥ កញ្ញា បន្ទាប់ពីពួកគេព្រួតគ្នាប្រដាប់ដោយពូថៅ ដាវ និងពន្លាកចាក់ជ័រកៅស៊ូ ស្ទាក់វាយប្រហារទៅលើយុវជនម្នាក់ឈ្មោះ ម៉ាប់ ស៊ីណា ហៅណៃ អាយុ២០ឆ្នាំ នៅភូមិថ្មពេជ្រទី២ ឃុំថ្មពេជ្រ បណ្តាលឲ្យស្លាប់យ៉ាងអាណោចអាធ័មក្នុងថ្លុកឈាមហើយយកម៉ូតូអ៊ិចស៊ីនធ័រ១គ្រឿង ។
លោកអនុសេនីយ៏ឯក ឡុង សារិន អធិការរងនគរបាលស្រុកត្បូងឃ្មុំ ទទួលផែនយុត្តិធម៌បានប្រាប់ឲ្យដឹងថា ជនសង្ស័យទាំង៦នាក់ដែលត្រូវបានចាប់ខ្លួនជាបន្តបន្ទាប់នោះ ១-ឈ្មោះផាត សីហា ហៅឡា អាយុ១៦ឆ្នាំ ២-ឈ្មោះ វ៉ាន់ សារី ហៅកៃ អាយុ១៩ឆ្នាំ ៣-ឈ្មោះ ជួន ម៉ន អាយុ២០ឆ្នាំ ៤-ឈ្មោះ យឹម យ៉េង ហៅសិទ្ធ អាយុ១៨ឆ្នាំ ៥-ឈ្មោះ សែម សុភា អាយុ២០ឆ្នាំ ៦-ឈ្មោះយ៉ែម សីហា អាយុ១៣ឆ្នាំ ទាំងអស់គ្នាមានទីលំនៅភូមិ៨៧ ឃុំថ្មពេជ្រ ។
លោកអធិការរងនគរបាលស្រុកត្បូងឃ្មុំ ប្រាប់បន្តថា នៅក្នុងឪកាសបុណ្យភ្ជុំបិណ្ឌនេះ នៅវត្តទួលប្រសិទ្ធ ស្ថិតនៅឃុំថ្មពេជ្រ គណៈកម្មការអាចារ្យវត្ត បានដាក់ធុងបាសឲ្យរាំកម្សាន្តលេងសប្បាយ កាលពីយប់ថ្ងៃទី២២ កញ្ញា ដោយមានមនុស្សប្រុសស្រី មកពីគ្រប់ទិសទី ។ ស្របពេលដែលកំពុងតែរាំលេងបទញាក់នោះ ស្រាប់តែក្រុមរងគ្រោះមានបក្សTNT (មានសរសេរអក្សរនៅនឹងសក់ក្បាល ) រាំជាន់ជើងក្រុមទំនើងខាងលើ គ្រានោះស្ទើរតែផ្ទុះជម្លោះកើតឡើងកណ្តាលវង់រាំផងដែរ ។ លុះនៅពេលយប់ម៉ោងប្រហែលជា១១យប់ ជនរងគ្រោះឈ្មោះ ណៃ បានជិះម៉ូតូត្រឡប់មកផ្ទះវិញ ស្រាប់តែក្រុមទំនើងជើងខ្លាំងបានធ្វើសកម្មភាពស្ទាក់ដេញកាប់ប្រហារយ៉ាងឃោរឃៅត្រង់ចំណុចឡូត៏កៅស៊ូលេខ ១០៧បេ ភូមិ១០៨ ជាហេតុបណ្តាលឲ្យជនរងគ្រោះស្លាប់ក្នុងថ្លុកឈាម។ រហូតដល់វេលាម៉ោង៧និង៣០នាទីព្រឹកថ្ងៃទី២៣ កញ្ញា ប្រជាពលរដ្ឋក៏ប្រទះឃើញសពជនរងគ្រោះ និងបង្កឲ្យមានការភ្ញាក់ផ្អើលដល់សមត្ថកិច្ចជំនាញចុះទៅពិនិត្យ ៕
ព័ត៌មានលម្អិតនឹងមានផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ