ខេត្តបាត់ដំបង ៖ មនុស្ស៣នាក់ត្រូវបានកម្លាំងអធិការដ្ឋានស្រុកសំពៅលូនឃាត់ខ្លួន រួមជាមួយនឹងថ្នាំញៀនប្រភេទមេតំហ្វេតាមីន(យ៉ាម៉ា)ចំនួន២០ថង់ ស្មើនឹង៣.៩៦៩គ្រាប់ គ្រាដែលពួកគេដឹកជញ្ជូនថ្នាំញៀនចេញពីស្រុកម៉ាឡៃ ខេត្តបន្ទាយមានជ័យ ឆ្លងកាត់ស្រុកសំពៅលូន ចេញទៅប្រទេសថៃ
ខេត្តបាត់ដំបង ៖ មនុស្ស៣នាក់ត្រូវបានកម្លាំងអធិការដ្ឋានស្រុកសំពៅលូនឃាត់ខ្លួន រួមជាមួយនឹងថ្នាំញៀនប្រភេទមេតំហ្វេតាមីន(យ៉ាម៉ា)ចំនួន២០ថង់ ស្មើនឹង៣.៩៦៩គ្រាប់ គ្រាដែលពួកគេដឹកជញ្ជូនថ្នាំញៀនចេញពីស្រុកម៉ាឡៃ ខេត្តបន្ទាយមានជ័យ ឆ្លងកាត់ស្រុកសំពៅលូន ចេញទៅប្រទេសថៃ ហើយត្រូវកម្លាំងអធិការដ្ឋានស្រុកសំពៅស្ទាក់ឃាត់ត្រួតពិនិត្យមើលអាវុធជាតិផ្ទុះ ក៏ឆែកឆេររកឃើញថ្នាំញៀនតែម្តង ។
ករណីបង្ក្រាបគ្រឿងញៀននេះកើតឡើងកាលពីវេលាម៉ោង៩និង១០នាទីយប់ថ្ងៃទី១៧ កញ្ញា នៅចំណុចរង្វង់មូលផ្សារចាស់ ភូមិគីឡូម៉ែត្រលេខ១៣ ឃុំសន្តិភាព ស្រុកសំពៅលូន ។
ជនសង្ស័យ១-ឈ្មោះ ឈិត បូរិន ភេទប្រុស អាយុ២៨ឆ្នាំ ២-ឈ្មោះ អ៊ុក ផៃ ភេទប្រុស អាយុ៣០ឆ្នាំ និង៣-ឈ្មោះ ញិក ញឿន ភេទប្រុស អាយុ៣០ឆ្នាំ ទាំង៣នាក់មានលំនៅភូមិបឹងបេង ឃុំបឹងបេង ស្រុកម៉ាឡៃ ខេត្តបន្ទាយមានជ័យ ៕
ព័ត៌មានលម្អិតនឹងមានផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ