េរាជធានីភ្នំពេញ ៖ កម្លាំងការិយាលយ័ស្រាវជ្រាវបទល្មើសព្រហ្មទណ្ឌ នៃកងរាជអាវុធហត្តរាជធានីភ្នំពេញ កាលពីថ្ងៃទី១២ កញ្ញា ២០១៤ បានធ្វើការឃាត់ខ្លួនបុរសម្នាក់បញ្ជួនទៅតុលាការ ដើម្បីចាត់ការតាមផ្លូវច្បាប់នៅគ្រាដែលបុរសរូបនោះថាបានជាប់ពាក់ព័ន្ធពីបទឆបោក និងប្រើប្រាស់ឯកសារសាធារណៈក្លែង។
រាជធានីភ្នំពេញ ៖ កម្លាំងការិយាលយ័ស្រាវជ្រាវបទល្មើសព្រហ្មទណ្ឌ នៃកងរាជអាវុធហត្តរាជធានីភ្នំពេញ កាលពីថ្ងៃទី១២ កញ្ញា ២០១៤ បានធ្វើការឃាត់ខ្លួនបុរសម្នាក់បញ្ជួនទៅតុលាការ ដើម្បីចាត់ការតាមផ្លូវច្បាប់នៅគ្រាដែលបុរសរូបនោះថាបានជាប់ពាក់ព័ន្ធពីបទឆបោក និងប្រើប្រាស់ឯកសារសាធារណៈក្លែង។
លោកវរៈសេនីយ៍ទោ ម៉ាំង សុខលុច ប្រធានការិយាលយ័ស្រាវជ្រាវ បទល្មើសព្រហ្មទណ្ឌ កងរាជអាវុធហត្តរាជធានីភ្នំពេញ បានឲ្យដឹងថាជនសង័្សយឈ្មោះ ហេង គឹមងួន ភេទប្រុស អាយុ៣១ឆ្នាំ មុខរបររកស៊ី ស្នាក់នៅផ្ទះជួលលេខ១២៦៧ ផ្លូវជាតិលេខ២ ភូមិព្រែកតាគង់ សង្កាត់ចាក់អង្រែលើ ខណ្ឌមានជ័យ រាជធានីភ្នំពេញ ។ ដើមចមឲ្យមានការឃាត់ខ្លួនជនស័ង្សយខាងលើនេះ កាលពីកាលពីវេលាម៉ោង១០និង៣០នាទីព្រឹកថ្ងៃទី១២ កញ្ញា ជនរងគ្រោះជាដើមបណ្តឹងបាននាំខ្លួនជនសង័្សយ ឈ្មោះ ហេង គឹមងួន ដោយផ្ទាល់មកកាន់ការិយាល័យរបស់លោកដោយបានប្តឹងចោទប្រកាន់ឈ្មោះនេះពីបទឆបោក និងប្រើប្រាស់ឯកសារសាធារណៈក្លែង ។
បទល្មើសនេះបានប្រព្រឹត្តកាលពីថ្ងៃទី៦ សីហា ២០១៤ ដែលជនសង័្សយបានយកប័ណ្ណផ្ទេរកម្មសិទ្ធិដីធ្លីមួយកន្លែងមានទំហំ៥០ហិកតា នៅភូមិគោកថ្មី ឃុំពួក ស្រុកពួក ខេត្តសៀបរាប ទៅដាក់ខ្ចី ប្រាក់ពីដើមបណ្តឹងចំនួន៨០.០០០(ប្រាំបីមឺុនដុល្លារអាមេរិក )។ ក្រោយមកដើម បណ្តឹងបានទៅដល់ទីតាំងនោះសួរនាំលោកមេឃុំ ទើបដឹងថាបណ្ណ័ផ្ទេរកម្មសិទ្ធិទំហំផ្ទៃដីចំនួន៥០ហិកតានោះជាឯកសារក្លែង ។ ជនសង្ស័យក៏បានសារភាពផងដែរថា ខ្លួនពិតជាបានខ្ចីប្រាក់ពីឈ្មោះ គី ហុក ចំនួន ៨០.០០០(ប្រាំបីមឺុនដុល្លារអាមេរិក) នោះមែន និងបានសន្យាសងវិញនៅពេលក្រោយ ។
លោកម៉ាំង សុខលុច បន្តថាក្រោយពីមានពាក្យបណ្តឹង និងចម្លើយ សារភាពទទួលស្គាល់របស់ជនសង្ស័យ លោកបានកសាងសំណុំរឿង បញ្ជួនទៅកាន់សាលាដំបូងរាជធានីភ្នំពេញ ដើម្បីចាត់ការតាមផ្លូវច្បាប់នៅល្ងាចថ្ងៃទី១៥ កញ្ញា ជនសង្ស័យត្រូវសាលាដំបូងសម្រេច ឃុំខ្លួនដាក់ពន្ធនាគារជាបណ្តោះអាសន្ន ។
ចែករំលែកព័តមាននេះ