ខេត្តប៉ៃលិន ៖ ប្រធានផ្សារព្រំលើរងការរិះគន់ពីសំណាក់ប្រជាពលរដ្ឋ និងក្រុមអាជីវករ ដែលលក់ដូរនៅក្នុងផ្សារគ្រប់ៗគ្នាថា មិនគួរទុកសំរាមចោលរយៈពេលយូររហូតដល់ក្លាយទៅជារលួយជះក្លិនស្អុយអាសោចន៍ និងបង្កទៅជាដង្កូវរវើកពាសពេញក្នុងគំនរសម្រាប់នៅជុំវិញផ្សារបែបនេះឡើយ គួរតែអាជ្ញាធរយកចិត្តទុកដាក់ពិនិត្យឱ្យបានដិតដល់ផងដែរ ។ ផ្សារខ្វះអនាម័យមួយនេះ ស្ថិតនៅខាងជើងជាប់នឹងផ្លូវជាតិលេខ៥៧ ក្នុងភូមិផ្សារព្រំ ឃុំស្ទឹងកាច់ ស្រុកសាលាក្រៅ ។
ប្រភពបន្តទៀតថា សំរាមជាច្រើនកន្លែងនៅជុំវិញផ្សារនេះ ត្រូវក្រុមអាជីវករយកទៅដាក់ចោល ដើម្បីរង់ចាំឱ្យរថយន្តចូលដឹកយកទៅចាក់ចោលជាច្រើនថ្ងៃមកហើយ ដោយមិនឃើញមានប្រធានផ្សារយករថយន្តទៅដឹកចេញនោះទេ គឺទុករហូតដល់ធ្វើឱ្យអ្នកដើរទៅទិញម្ហូបអាហារ និងអ្នកចូលទៅហូបកាហ្វេ បាយ គុយទាវនៅក្នុងផ្សារលេបស្ទើរមិនចូល ។
ប្រភពពីភ្ញៀវទេសចរមកពីខេត្តផ្សេងម្នាក់បានរិះគន់ឱ្យដឹងថា ខណៈក្រឡេកមើលពីខាងក្រៅទៅឃើញផ្សារ ហាក់ដូចជាស្រស់ស្អាត តែដល់ពេលដើរចូលទៅខាងក្នុងរកទិញរបស់របរ និងម្ហូបអាហារ គ្រាន់តែដើរទៅជិតដល់ភ្លាមមានជះក្លិនស្អុយស្ទើរសន្លប់បាត់ស្មារតី ។
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ