ជើងឯកប្រដាល់ពិភពលោក៥ប្រភេទទម្ងន់ ហ្វ្លយ មេវេដឌ័រ កាលពីពេលថ្មីៗកន្លងទៅនេះបានអះអាងថា ការប្រកួតរវាងរូបគេ និងអាមៀ ខាន់ នៅតែអាចកើតឡើងបាន ។ ព្រមគ្នានោះផងដែរ កីឡាករអាមេរិករូបនេះបានទាត់ចោលនូវការអះអាងរបស់ អាមៀ ខាន់ ដែលថា កីឡាករហ្វ៊ីលីពីន ម៉ានី ប៉ាក់គីអាវ គឺជាគូតស៊ូម្នាក់ដែលស្វិតស្វាញជាងរូបគេ ។
ជើងឯកប្រដាល់ពិភពលោក៥ប្រភេទទម្ងន់ ហ្វ្លយ មេវេដឌ័រ កាលពីពេលថ្មីៗកន្លងទៅនេះបានអះអាងថា ការប្រកួតរវាងរូបគេ និងអាមៀ ខាន់ នៅតែអាចកើតឡើងបាន ។ ព្រមគ្នានោះផងដែរ កីឡាករអាមេរិករូបនេះបានទាត់ចោលនូវការអះអាងរបស់ អាមៀ ខាន់ ដែលថា កីឡាករហ្វ៊ីលីពីន ម៉ានី ប៉ាក់គីអាវ គឺជាគូតស៊ូម្នាក់ដែលស្វិតស្វាញជាងរូបគេ ។
សំណើប្រកួតរវាង អាមៀ ខាន់ និងមេវេដឌ័រ មកទល់ពេលនេះមិនទាន់លេចចេញជារូបរាងនៅឡើយទេ បើទោះណាមានការពពាយនាយជាហូរហែដោយជំរំហ្វឹកហាត់របស់ពួកគេទាំង២នាក់ក្តី ។ បុ៉ន្តែអ្វីដែលគួរឱ្យចាប់អារម្មណ៍ គឺកីឡាករវ័យ៣៧ឆ្នាំ មេវេដឌ័រ បានបញ្ជាក់ជាថ្មីនូវបំណងរបស់ខ្លួនដែលចង់ឃើញការប្រកួតលេចចេញជារូបរាងពិតប្រាកដ ។ គេបានថ្លែងថា ៖ «រូបគេ (អាមៀ ខាន់) ត្រូវដឹងថា ការប្រកួតរវាងពួកយើងនៅតែអាចកើតឡើងបាន ប្រសិនបើអ្នកសួរខ្ញុំថា តើការប្រកួតនឹងកើតឡើងទេ ខ្ញុំពិតជាឆ្លើយថា អាច ។ ខ្ញុំសង្ឃឹមថា ឆ្នាំក្រោយ បុ៉ន្តែការប្រកួតនេះវាពាក់ព័ន្ធនឹងពេលវេលាបុ៉ណ្ណោះ» ។
កីឡាករស្បែកខ្មៅរូបនេះបានបន្ថែមថា ៖ «ខ្ញុំបានឃើញនូវយោបល់របស់ អាមៀ ខាន់ ដែលថា ប៉ាក់គីអាវ គឺគូតស៊ូស្វិតស្វាញជាងខ្ញុំ។ ខ្ញុំគ្មានចម្លើយចំពោះការអះអាងនោះទេ ។ យ៉ាងណាក៏ដោយ ខ្ញុំនឹងរំលឹកយោបល់ទាំងនោះដល់គេ បន្ទាប់ពីរូបគេសន្លប់ក្រោមកណ្តាប់ដៃខ្ញុំ» ។
ស្របពេលជាមួយគ្នានោះ ជំរំហ្វឹកហាត់អាមៀ ខាន់ ហាក់មិនមានប្រតិកម្មចំពោះការបញ្ជាក់ខាងដើមនេះឡើយ ពោលគឺក្នុងខណៈដែលការចរចារៀបចំការប្រកួតរវាង អាមៀ ខាន់ និងគែលប្រ៊ុក នៅឆ្នាំក្រោយកំពុងចាប់ផ្តើម។ការជួបជាមួយ គែលប្រុ៊ក សម្រាប់ អាមៀ ខាន់ អាចចាត់ជាការកម្តៅសាច់ដុំក៏ថាបាន ដ្បិតប្រសិនជារូបគេអាចដណ្តើមបានជ័យជម្នះនោះឱកាសជួបជាមួយ មេវេដឌ័រ ពិតជាកើតមានមិនខាន ៕
ចែករំលែកព័តមាននេះ