ខេត្តកំពង់ចាម ៖ ក្រុមនិស្សិតជប៉ុន និងខ្មែរចំនួន២៩នាក់ បានចំណាយពេលស្ទើរពេញមួយថ្ងៃទី២៥ សីហា ២០១៤ នៅក្នុងសាលាបឋមសិក្សាមាឃ ស្ថិតនៅ ឃុំព្រែកកក់ ស្រុកស្ទឹងត្រង់ ដោយបានសំដៃងរបាំបែបប្រពៃណីជប៉ុន ឲ្យកុមារាកុមារីរាប់សិបនាក់ទស្សនាសប្បាយ ។ ជាមួយនោះអង្គការសប្បុរសធម៌ ( IVUSA ) ដែលមានទីតាំងនៅទីក្រុងតូក្យូ ប្រទេសជប៉ុន គ្រោងនឹងជួយសាងសង់អាគាសិក្សាបេតុង១ខ្នងមានចំនួន៥បន្ទប់ នៅក្នុងខែតុលាខាងមុខ ដោយចំណាយទឹកប្រាក់ មិនតិចជាង៥ម៉ឺនដុល្លារនោះទេ សំរាប់ជួយពង្រឹងដល់វិស័យអប់រំ ឲ្យមានការរីកចម្រើនប្រកបដោយគុណភាព ។
លោកឡុង វណ្ណា នាយកសាលាបឋមសិក្សាមាឃ បានប្រាប់ឲ្យដឹងថា ពីមួយឆ្នាំទៅមួយឆ្នាំកំណើនសិស្សចេះតែមានការកើតឡើងជាលំដាប់ ជាក់ស្តែងនៅក្នុងឆ្នាំសិក្សា២០១៣-២០១៤ សិស្សមានទាំងអស់ចំនួន ១.០៩៥ នាក់ ហើយមានអាគាសិក្សាចំនួន៣ល្វែង ក្នុងនោះធ្វើពីបេតុង២ល្វែងនិងសាងសង់អំពីឈើ១ល្វែង នៅផ្នែកខាងក្រោយមានសភាពចាស់ទ្រុឌទ្រោម កល់នឹងរលំសិស្សមិនហ៊ានចូលរៀននោះទេ ត្រូវបានរុះរើចេញជៀសវាង កុំឲ្យគ្រោះថ្នាក់ជាយថាហេតុ ។
ព័ត៌មានលម្អិតនឹងមានផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ