បន្ទាប់ពីបានក្លាយជាអ្នកបើកបរលឿនជាងគេយកឈ្នះពានជើងឯកក្នុងកម្មវិធី Hungarian Grand Prix កីឡាករអូស្ត្រាលី Daniel Ricciardo កំពុងបោះជំហានឈានឆ្ពោះទៅរកការនាំមុខលើតារាងជើងឯកពិភពលោកនៃព្រឹត្តិការណ៍ប្រណាំងរថយន្តហ្វមមូឡាវ័ន ។
បន្ទាប់ពីបានក្លាយជាអ្នកបើកបរលឿនជាងគេយកឈ្នះពានជើងឯកក្នុងកម្មវិធី Hungarian Grand Prix កីឡាករអូស្ត្រាលី Daniel Ricciardo កំពុងបោះជំហានឈានឆ្ពោះទៅរកការនាំមុខលើតារាងជើងឯកពិភពលោកនៃព្រឹត្តិការណ៍ប្រណាំងរថយន្តហ្វមមូឡាវ័ន ។
អ្នកបើកបរឱ្យក្រុម Red Bull រូបនេះបានបញ្ចប់ការប្រណាំង៧០ជុំ ទីលាននៅប្រទេសហុងគ្រី កាលពីថ្ងៃអាទិត្យម្សិលមិញ ក្នុងថិរវេលា១ម៉ោង៥៣នាទីនិង៥.០៥៨វិនាទី នាំមុខកីឡាករអេស្ប៉ាញ Fernando Alonso បើកបរឱ្យក្រុម Ferrari ដែលប្រើថិរវេលាច្រើនជាង ៥.២២៥វិនាទី ។ ចំណែក កីឡាករអាល្លឺម៉ង់ Nico Rosberg ដែលបាននាំមុខបណ្តោះអាសន្នកាលពីថ្ងៃសៅរ៍បញ្ចប់ការប្រណាំងក្នុងលំដាប់ទី៤ បន្ទាប់ពីប្រើអស់ថិរវេលាច្រើនជាង Ricciardo ៦.៣៦១វិនាទី ។
កីឡាករប្រេស៊ីល Felipe Massa បញ្ចប់ការប្រណាំងក្នុងលំដាប់ទី៥ បន្ទាប់ពីប្រើថិរវេលាយឺតជាង Ricciardo ២៩.៨៤១វិនាទី ។ អ្នកបើកបរឱ្យក្រុម Williams រូបនេះនាំមុខកីឡាករហ្វាំងឡង់ Kimi Raikkonen របស់ក្រុម Ferrari ដែលបញ្ចប់ការប្រណាំងក្នុងលំដាប់ទី៦ ។ កីឡាករជើងខ្លាំងមកពីអាល្លឺម៉ង់ Sebastian Vettel បញ្ចប់ការប្រណាំងក្នុងលំដាប់ទី៧ តាមពីក្រោយកីឡាករហ្វាំងឡង់ Valtteri Bottas ដែលបញ្ចប់ក្នុងលំដាប់ទី៨ ។
ដោយឡែក កីឡាករអង់គ្លេស Lewis Hamilton ដែលមិនអាចបញ្ចប់ការប្រណាំងរបស់ខ្លួនបានដូចសព្វដង កាលពីថ្ងៃសៅរ៍ដណ្តើមបានចំណាត់ថ្នាក់លេខ៣ ។ នៅលើតារាងជើងឯកពិភពលោកវិញ បន្ទាប់ពីបញ្ចប់ការប្រណាំងលើកនេះ កីឡាករអាល្លឺម៉ង់ Nico Rosberg នៅតែបន្តការនាំមុខជាដដែល ។ ពេលនេះគេសន្សំបាន២០២ពិន្ទុ នាំមុខកីឡាករ Lewis Hamilton ដែលសន្សំបាន ១៩១ពិន្ទុ ។ ចំណែកកីឡាករ Daniel Ricciardo ស្ថិតនៅលំដាប់ទី៣មាន១៣១ពិន្ទុ តាមពីក្រោយដោយកីឡាករ Fernando Alonso ដែលសន្សំបាន១១៥ពិន្ទុ ៕
ចែករំលែកព័តមាននេះ