ការប្រយុទ្ធបង្ហូរឈាមគ្នាមិនឈប់ឈររវាងពួកជីវពលប្រដាប់អាវុធ ការវាយប្រហារប្រឆាំងក្បួនរថយន្តការទូតអង់គ្លេស ការកើនឡើងនៃអំពើហិ.ង្សានៅលីប៊ី ញ៉ាំងឱ្យប្រទេសលោកខាងលិចអំពាវនាវដល់ជនជាតិពួកគេឱ្យចាកចេញពីប្រទេសនេះដែលកំពុងធ្លាក់ក្នុងភាពវឹកវរចលាចល បន្ទាប់ពីការជម្លៀសបុគ្គលិកការទូតអាមេរិកចេញ ។
ការប្រយុទ្ធបង្ហូរឈាមគ្នាមិនឈប់ឈររវាងពួកជីវពលប្រដាប់អាវុធ ការវាយប្រហារប្រឆាំងក្បួនរថយន្តការទូតអង់គ្លេស ការកើនឡើងនៃអំពើហិង្សានៅលីប៊ី ញ៉ាំងឱ្យប្រទេសលោកខាងលិចអំពាវនាវដល់ជនជាតិពួកគេឱ្យចាកចេញពីប្រទេសនេះដែលកំពុងធ្លាក់ក្នុងភាពវឹកវរចលាចល បន្ទាប់ពីការជម្លៀសបុគ្គលិកការទូតអាមេរិកចេញ ។
យោងតាមតុល្យការថ្មីមួយរបស់ក្រសួងសុខាភិបាលលីប៊ី ចេញផ្សាយកាលពីថ្ងៃទី២៧ កក្កដាថា មនុស្សយ៉ាងតិច៩៧នាក់បានត្រូវស្លាប់ ហើយជាង៤០០នាក់ទៀតត្រូវរបួសរយៈពេល២សប្តាហ៍នៃការប្រយុទ្ធគ្នារវាងពួកជីវពលដែលប្រជែងគ្នានៅទីក្រុងទ្រីប៉ូលី ។
នៅទីក្រុងបេនហ្គាហ្ស៊ីភាគខាងកើតប្រទេស មនុស្សយ៉ាងតិច៣៨នាក់ភាគច្រើនជាទាហានបានត្រូវស្លាប់រយៈពេល២៤ម៉ោងចុងក្រោយនេះក្នុងការប្រយុទ្ធគ្នារវាងកងទ័ព និងបណ្តាក្រុមអ៊ិស្លាមនិយម ។
នៅរដ្ឋធានីទ្រីប៉ូលី ការប្រយុទ្ធគ្នានៅតែខ្លាំងក្លាកាលពីថ្ងៃទី២៧ កក្កដា រវាងពួកជីវពលដែលប្រជែងគ្នានៅជុំវិញព្រលានយន្តហោះ និងក្នុងសង្កាត់ជាច្រើនទៀតនាភាគខាងត្បូងក្រុង ជាកន្លែងផ្ទុះការប៉ះទង្គិចគ្នាចាប់តាំងពីថ្ងៃទី១៣ កក្កដាមក ។ អ្នកនាំពាក្យក្រសួងការបរទេសអេហ្ស៊ីប លោកបាដ្រ៍អាប់ ឌីឡាទី គូសបញ្ជាក់កាលពីថ្ងៃទី២៧ កក្កដា ប្រាប់ AFP ថា មនុស្ស២៣នាក់ក្នុងនោះមានជនជាតិអេហ្ស៊ីបច្រើននាក់ផងបានត្រូវស្លាប់ដោយសារការធ្លាក់គ្រាប់រុ៉ក្កែត១គ្រាប់លើផ្ទះរបស់ពួកគេ ។
ក្នុងបរិយាកាសនៃអំពើហិង្សាបែបនេះ បណ្តាប្រទេសលោកខាងលិច ក្នុងនោះមានអង់គ្លេស និងអាល្លឺម៉ង់ជាដើមបានអំពាវនាវដល់ជនជាតិខ្លួនឱ្យចាកចេញពីលីប៊ី ជាកន្លែងដែលក្បួនរថយន្តមួយរបស់ស្ថានទូតអង់គ្លេសរងការវាយប្រហារកាលពីថ្ងៃទី២៧ កក្កដា តែពុំបណ្តាលឱ្យមានជនរងគ្រោះ ។ សហរដ្ឋអាមេរិកដែលស្ថានទូតខ្លួនស្ថិតនៅតាមផ្លូវទៅព្រលានយន្តហោះជាកន្លែងកើតមានការប្រយុទ្ធគ្នាបានជម្លៀសបុគ្គលិករបស់ខ្លួនចេញកាលពីថ្ងៃទី២៦ កក្កដា តាមផ្លូវគោក ក្រោមកិច្ចការពារពីអាកាស ។
ក្រសួងការបរទេសអាល្លឺម៉ង់គូសបញ្ជាក់កាលពីថ្ងៃទី២៧ កក្កដាថា សភាពការណ៍នៅលីប៊ីពិតជាមិនអាចវាយតម្លៃជាមុនបាន ហើយ ពុំប្រាកដប្រជាឡើយ ។ប្រទេសឯទៀតៗក្រៅពីអាល្លឺម៉ង់ និងអង់គ្លេសដូចជា បែលហ្ស៊ិក តួកគី អេស្ប៉ាញ ឬកោះម៉ាល់ជាដើម ក៏បានអំពាវនាវឱ្យជនជាតិពួកគេចាកចេញពីលីប៊ីដែរ ។អាជ្ញាធរលីប៊ីពុំអាចគ្រប់គ្រងពួកជីវពលជាច្រើនសិបក្រុមដែលសុទ្ធតែជាអ្នកធ្វើច្បាប់ក្នុងប្រទេសចាប់តាំងពីការផ្តួលរំលំរបបលោកមូអាម៉ា កាដាហ្វី កាលពីឆ្នាំ២០១១ មក ។ កាលស្ថិតក្រោមរបបលោកកាដាហ្វី លីប៊ីជាប្រទេសរីកចម្រើន និងមានលុយច្រើនមួយអាចដើរជួយប្រទេសជាច្រើននៅអាហ្វ្រិក និងមជ្ឈឹមបូព៌ា ។
ការប៉ះទង្គិចគ្នានៅជុំវិញព្រលានយន្តហោះក្រុងទ្រីប៉ូលីចាប់ផ្តើមពីថ្ងៃទី១៣ កក្កដាមក ក្រោយការវាយប្រហាររបស់ពួកអ៊ិស្លាមនិយម និងអតីតពួកជីវពលមកពីទីក្រុងមីស្ត្រាតា ដែលបុ៉នប៉ងវាយបណ្តេញពួកជីវពលប្រដាប់អាវុធមកពីទីក្រុង ZENTEN ដែលគ្រប់គ្រងព្រលានយន្តហោះ ៕
ចែករំលែកព័តមាននេះ