រាជធានីភ្នំពេញ ៖ សមាសភាពគូប្រកួតប្រដាល់ដាក់ទ្រុងរបស់កំពូលអ្នកប្រយុទ្ធគុនខ្មែរវគ្គ៣នៅលើសង្វៀន CTN នាថ្ងៃអាទិត្យ ទី២៧ កក្កដា សប្តាហ៍នេះមានទាំងអស់៥គូ និង៣ប្រភេទទម្ងន់ ក្នុងនោះប្រភេទទម្ងន់៥៧គីឡូក្រាមមាន២គូ, ៦០គីឡូក្រាមមាន២គូ និង៦៥គីឡូក្រាមមាន១គូ ។
រាជធានីភ្នំពេញ ៖ សមាសភាពគូប្រកួតប្រដាល់ដាក់ទ្រុងរបស់កំពូលអ្នកប្រយុទ្ធគុនខ្មែរវគ្គ៣នៅលើសង្វៀន CTN នាថ្ងៃអាទិត្យ ទី២៧ កក្កដា សប្តាហ៍នេះមានទាំងអស់៥គូ និង៣ប្រភេទទម្ងន់ ក្នុងនោះប្រភេទទម្ងន់៥៧គីឡូក្រាមមាន២គូ, ៦០គីឡូក្រាមមាន២គូ និង៦៥គីឡូក្រាមមាន១គូ ។
ក្នុងចំណោមកីឡាករដែលជាបេក្ខភាពឡើងប្រកួតវគ្គជម្រុះឈានទៅដណ្តើមខ្សែក្រវាត់ទាំង៥គូនេះ គេចាប់អារម្មណ៍ជាងគេទៅលើជំនួបប្រកួតរវាងកីឡាករ ម៉ុន រតនា មកពីក្លិបឃ្លាំងមឿងកីឡា ខេត្តពោធិ៍សាត់ និងកីឡាករ ស៊ឹម ប៊ុនស្រ៊ន់ មកពីក្លិបយូដូរាជសីហ៍ ដែលប្រកួតគ្នាក្នុងប្រភេទទម្ងន់៥៧គីឡូក្រាម និងជំនួបប្រកួតរវាងកីឡាករ រិន សារដ្ឋ មកពីក្លិបខេត្តព្រៃវែង និងកីឡាករ ង៉ែត ប៊ុនធឿន មកពីក្លិបខេត្តកំពង់ធំ ក្នុងប្រភេទទម្ងន់៦០គីឡូក្រាម ។
រវាង រិន សារដ្ឋ និង ង៉ែត ប៊ុនធឿន ធ្លាប់ប្រកួតឈ្នះម្តងម្នាក់ដូចគ្នា កាលពីលើកមុន ប៉ុន្តែគេមិនទាន់ដឹងថា នរណាមានសំណាងរកបាន៣ពិន្ទុបន្ថែមពេលពួកគេជួបគ្នាលើកនេះទេ ដោយសារភាគីម្ខាងៗ សុទ្ធតែជាជើងខ្លាំងដូចគ្នា ។ ចំណែក ម៉ុន រតនា និង ស៊ឹម ប៊ុនស្រ៊ន់ ក៏ធ្លាប់ប្រកួតឈ្នះម្តងម្នាក់ដូចគ្នាដែរកាលពីលើកមុន ទើបធ្វើឱ្យពួកគេទទួលការចាប់អារម្មណ៍យ៉ាងខ្លាំងពីសំណាក់ទស្សនិកជនតាមរយៈថ្វីដៃផ្តួលគូប្រកួតនៅលើសង្វៀន ។ ទោះបីយា៉ងណា រវាងកីឡាករទាំង២គូនេះគ្មាននរណាហា៊នអះអាងទុកមុនពីលទ្ធផលចាញ់ឈ្នះបានឡើយ ដូច្នេះមានតែរង់ចាំតាមដានការប្រកួតជាក់ស្តែងប៉ុណ្ណោះទើបអាចដឹងបាន ។
ក្រៅពីគូចាប់អារម្មណ៍២គូនេះទៅនៅលើសង្វៀនដដែលកីឡាករ៣គូទៀតក៏ត្រៀមអង្រួនសង្វៀនឱ្យកក្រើកផងដែរដូចជា គូកីឡាករ នឿន ប៊ុនធឿន មកពីក្លិបអេភូថងកីឡា ប្រកួតជាមួយកីឡាករ សេង កំសត់ មកពីក្លិបខេមរិន្ទមានឫទ្ធិ ដែលគូនេះប្រកួតគ្នាក្នុងប្រភេទទម្ងន់៥៧គីឡូក្រាម ។ ចំណែក២គូទៀត ប្រកួតគ្នាក្នុងប្រភេទទម្ងន់៦០គីឡូក្រាម គឺកីឡាករ សុខ វាសនា មកពីក្លិបឃ្លាំងមឿងកីឡាខេត្តពោធិ៍សាត់ ជួបជាមួយកីឡាករ ច្រិច កុសល មកពីក្លិបខេត្តត្បូងឃ្មុំ និងកីឡាករ រិគី ណារដ្ឋ មកពីក្លិបខ្លារខិនមានឫទ្ធិ ជួបជាមួយកីឡាករ ថៃ ប៊ុនតត មកពីក្លិបនាគរាជគុនខ្មែរ ៕
ចែករំលែកព័តមាននេះ