១-រថយន្តគ្មានមនុស្សបើកបរ
ក្រុមហ៊ុនហ្គូហ្គល បានសាកល្បងរថយន្តស្វ័យប្រវត្តិ ដោយមិនបាច់ប្រើអ្នកបើកបរនៅសារមន្ទីរកុំព្យូទ័រ ក្នុងទីក្រុងម៉ាវថេនវីយូ រដ្ឋកាលីហ្វ៊័រនីញ៉ា សហរដ្ឋអាមេរិក ។
២-កាំភ្លើងឆ្លាត
ក្រុមហ៊ុនកាំភ្លើង Armatix របស់អាល្លឺម៉ង់បានផលិតកាំភ្លើងខ្លី «សែនចេះ» ស៊េរីថ្មី អាចបាញ់បាន ដរាបណាអ្នកប្រើពាក់នាឡិកាទាក់ទងតាមរលកធាតុអាកាស ប្រសិនបើនៅឆ្ងាយពីគ្នាលើសពី២០សង្ទីម៉ែត្រ កាំភ្លើងមិនអាចដំណើរការបានទេ ។
៣-បំពាក់ជើងសិប្បនិមិត្តដល់អណ្តើក
នាយកមជ្ឈមណ្ឌលជួយសង្គ្រោះអណ្តើកសមុទ្ររបស់អុីស្រាអែល បានថតរូបអណ្តើកយក្ស ទុកជាអនុស្សាវរីយ៍ ក្រោយពីសហការជាមួយនិស្សិតក្នុងវិទ្យាល័យយេរូសាឡឹម អាដាសសា បង្កើតជើងសិប្បនិមិត្ត ដល់អណ្តើក្រោយពីរងគ្រោះថ្នាក់ ។ ជើងសិប្បនិមិត្តនេះច្នៃពីប្លាស្ទិក និងយកលំនាំតាមស្លាបរបស់យន្តហោះប្រដេញសហរដ្ឋអាមេរិក ។
៤-សំយុងក្បាលដោយពាក់ស្បែកជើងដើរលើពិតាន
លោកកូលីន ហ្វើស អាយុ៣៤ឆ្នាំ ជាអ្នកស្រុកស្តេមហ្វត ដែលពេញចិត្តលើតួសម្តែង «មេកនីតូ» នៅក្នុងខ្សែភាពយន្ត «អេក្សម៉េន» បានចំណាយទុនច្នៃប្រឌិតស្បែកជើងស្អិត អាចដើរលើពិតានដូចជីងចក់បាន ។
លោក កូលីន ហ្វើស បញ្ជាក់ថា ស្បែកជើងនេះងាយស្រួលពាក់ ប៉ុន្តែពិបាកក្នុងពេលដើរសំយុងក្បាល ប្រសិនបើដាច់ចរន្ត មេដែកឈប់ដំណើរការរូបលោកអាចធ្លាក់បាក់កមិនខាន ។
៥-ក្រុមខ្ទើយអេស្ប៉ាញដើរជាក្បួន
បុរសស្រឡាញ់ភេទដូចគ្នាថតរូបជាក្រុម ខណៈពេលដើរជាក្បួននៅលើកោះកាណារី ប្រទេសអេស្ប៉ាញ ។
៦-អណ្តើកកាឡាប៉ាកូស
សិស្សបានចោមរោមមើលអណ្តើកកាឡាប៉ាកូសដ៏ធំ អាយុ២០ឆ្នាំ ក្រោយពីបម្លាស់ទីទៅរស់នៅឧទ្យានសត្វ «ភីតស្បេ៊ើក អ៊ែន ភីភីជី អាក្វារីយ៉ាម» សហរដ្ឋអាមេរិក ។ អណ្តើកកាឡាប៉ាកូស ជាអណ្តើកមានទំហំធំនៅលើពិភពលោក ប្រទះឃើញតែនៅលើកោះកាឡាប៉ាកូស ក្នុងមហាសមុទ្រប៉ាសុីហ្វិក ខាងត្បូង ។
៧-អាហារ «ហែមប៊័រហ្គ័រ» បាល់ទាត់ពិភពលោក ២០១៤
បុគ្គលិកក្នុងហាង Mcdonald ប្រទេសជប៉ុន បានបង្ហាញអាហារថ្មីឈ្មោះ Brazil Burger Beef BBQ ជាមុខម្ហូបសម្រាប់ស្វាគមន៍បាល់ទាត់ពិភពលោក២០១៤ ដោយនំប័ុងមានលក្ខណៈដូចបាល់ទាត់ពិភពលោក២០១៤ ជាទីពេញនិយមរបស់ជនជាតិជប៉ុន បានដាក់លក់ចាប់តាំងពីចាប់ផ្តើមប្រកួតរហូតដល់ចប់ការប្រកួត ។
៨-ខ្ទីងកើតកូន
មេខ្ទីងអាមេរិកខាងជើង លិទ្ធកូនទើបកើតនៅក្នុងព្រៃអភិរក្ស របស់មុិកសិុក ។ ខ្ទីងប្រភេទនេះកំពុងជិតផុតពូជ អាចនៅសេសសល់ប្រហែល៣០០ក្បាល នៅលើពិភពលោក ៕
ចែករំលែកព័តមាននេះ