រាជធានីភ្នំពេញ ៖ ឯកឧត្តម ហេង សួរ សមាជិកគណៈកម្មាធិការកណ្តាលគណបក្សប្រជាជនកម្ពុជា និងជាប្រធានក្រុមការងារគណបក្សចុះមូលដ្ឋានខណ្ឌពោធិ៍សែនជ័យ បានអញ្ជើញជាអធិបតីដ៏ខ្ពង់ខ្ពស់ក្នុងពិធី ប្រកាសបញ្ចូលសមាជិកថ្មីរបស់គណៈកម្មាធិការគណបក្សប្រជាជនកម្ពុជាខណ្ឌពោធិ៍សែនជ័យ នៅព្រឹកថ្ងៃទី៣១…
រាជធានីភ្នំពេញ ៖ ឯកឧត្តម ហេង សួរ សមាជិកគណៈកម្មាធិការកណ្តាលគណបក្សប្រជាជនកម្ពុជា និងជាប្រធានក្រុមការងារគណបក្សចុះមូលដ្ឋានខណ្ឌពោធិ៍សែនជ័យ បានអញ្ជើញជាអធិបតីដ៏ខ្ពង់ខ្ពស់ក្នុងពិធី ប្រកាសបញ្ចូលសមាជិកថ្មីរបស់គណៈកម្មាធិការគណបក្សប្រជាជនកម្ពុជាខណ្ឌពោធិ៍សែនជ័យ នៅព្រឹកថ្ងៃទី៣១ ខែសីហា ឆ្នាំ២០២៥ នៅមជ្ឈមណ្ឌលសន្និបាត និងពិព័រណ៍កោះពេជ្រ ។
សមាជិកថ្មីដែលត្រូវបានរៀបចំពិធីប្រកាសបញ្ចូលនាថ្ងៃនេះមានចំនួន ១ ៤១៦នាក់ មកពីសង្កាត់ចំនួន៧ នៃខណ្ឌពោធិ៍សែនជ័យ មានដូចជា សង្កាត់ត្រពាំងក្រសាំង សង្កាត់ចោមចៅទី១ សង្កាត់ចោមចៅទី២ សង្កាត់ចោមចៅទី៣ សង្កាត់កាកាបទី១ សង្កាត់កាកាបទី២ និងសង្កាត់សំរោងក្រោម ។
ថ្លែងក្នុងពិធីនោះ ឯកឧត្តម ហេង សួរ បានពាំនាំនូវការសួរសុខទុក្ខពីសម្តេចអគ្គមហាសេនាបតីតេជោ ហ៊ុន សែន ប្រធានគណបក្សប្រជាជនកម្ពុជា និងជាប្រធានព្រឹទ្ធសភា នៃព្រះរាជាណាចក្រកម្ពុជា ក៏ដូចជាសម្តេចមហាបវរធិបតី ហ៊ុន ម៉ាណែត អនុប្រធានគណបក្សប្រជាជនកម្ពុជា ប្រធានយុវជនគណបក្សថ្នាក់កណ្តាល និងជានាយករដ្ឋមន្ត្រី នៃព្រះរាជាណាចក្រកម្ពុជា ជូនចំពោះសមាជិកថ្មីទាំអស់ ដែលបានសម្រេចចិត្តចូលជាសមាជិក គណបក្សប្រជាជនកម្ពុជា ដែលជាគណបក្សតែមួយគត់ បានជួយប្រជាជនកម្ពុជា គ្រប់កាលៈទេសៈទាំងអស់ ។
ជាមួយគ្នានេះ ឯកឧត្តម ក៏បានស្វាគមន៍យ៉ាងកក់ក្តៅបំផុត ចំពោះបងប្អូន ដែលបានមករួមរស់ជាមួយគ្រួសារគណបក្សប្រជាជនកម្ពុជា គឺជាគណបក្សដែលបងប្អូន និងប្រជាពលរដ្ឋគ្រប់និន្នាការនយោបាយ អាចរស់នៅជាមួយគ្នាបាន ។ ទន្ទឹមនោះ ឯកឧត្តម ក៏បានធ្វើការបញ្ជ្រាបការយល់ដឹងអំពីអត្តសញ្ញាណបក្ស និម្មិតសញ្ញា ពេលវេលាដែលបង្កើតបក្ស បុព្វហេតុ ចក្ខុវិស័យ និងកម្មវិធីគោលនយោយបាយរបស់គណបក្ស ជូនដល់សមាជិកថ្មីផងដែរ ។
បន្ថែមលើនោះ ឯកឧត្តម ហេង សួរ បានបញ្ជាក់ពីអត្ថន័យ នៃការបង្កើតបក្សឱ្យសមាជិកថ្មីបានយល់ជ្រួតជ្រាបយ៉ាងច្បាស់ថា គណបក្សប្រជាជនកម្ពុជា បង្កើតឡើងដោយប្រជាជនកម្ពុជា ដើម្បីប្រជាជនកម្ពុជា នៅថ្ងៃទី២៨ ខែមិថុនា ឆ្នាំ១៩៥១ ក្នុងបុព្វហេតុជាតិមាតុភូមិ រួមជាមួយសកម្មភាពបូជនីយកិច្ចរបស់សម្តេចព្រះបរមរតនកោដ្ឋព្រះបាទសម្តេចព្រះ នរោត្តម សីហនុ ដើម្បីទាមទារឯករាជ្យពីបារាំង ។ ហេតុនេះគណបក្សប្រជាជនបង្កើតឡើងដើម្បីចូលរួមចំណែកជាមួយកម្លាំងជាតិតែមួយក្នុងការរំដោះប្រទេសជាតិចេញពីនឹមអាណានិគមនិយមបារាំង នាំមកនូវសន្តិភាព បូរណភាពទឹកដីសម្រាប់ប្រទេសជាតិ ។
ក្នុងឱកាសនោះដែរ ឯកឧត្តម ហេង សួរ បានរំលេចពីភាពជោគជ័យរបស់ គណបក្សប្រជាជនកម្ពុជាដែលបានបន្តបេសកកម្មជារៀងរហូតមក រហូតដល់ពេលមួយដែលកម្ពុជាធ្លាក់ចូលក្នុងជ្រោះមរណានៃរបបវាលពិឃាដ ប្រល័យពូជសាសន៍ ប៉ុល ពត គណបក្សប្រជាជនកម្ពុជាក៏បានក្រោកឈរឡើងម្តងទៀត ដើម្បីផ្តួលរំលំរបបនេះដោយទទួលបានមហាជោគជ័យយ៉ាងត្រចះត្រចង់នៅថ្ងៃទី៧ ខែមករា ឆ្នាំ១៩៧៩ ហើយបន្តមកគណបក្សប្រជាជនកម្ពុជា ក៏បានដឹកនាំកម្ពុជាដោយផ្ទាល់ខ្លួនឯងតែម្តង ។
បន្ថែមលើនេះ ឯកឧត្តមក៏បានបញ្ជ្រាបឱ្យសមាជិកថ្មីបានយល់ដឹងអំពីបាវចនាទាំង ៦ របស់គណបក្សប្រជាជនកម្ពុជាគឺ ឯករាជ្យ សន្តិភាព សេរីភាព អព្យាក្រឹត ប្រជាធិបតេយ្យ និងវឌ្ឍនភាពសង្គម ដែលសំខាន់បំផុតសម្រាប់គណបក្សព្រោះចក្ខុវិស័យចុងក្រោយបង្អស់ គឺធ្វើយ៉ាងណាសម្រេចឱ្យបានតាមបាវចនានេះដើម្បីជាតិនិងប្រជាជន ។
ឯកឧត្តមបានលើកឡើងទៀតថា ក្នុងការដឹកនាំគ្រប់គ្រងបក្ស អង្គដែលធំជាងគេបំផុតនៅគឺ សមាជទូទាំងប្រទេស។ ជាមួយគ្នានោះ ដើម្បីឱ្យបក្សមាននិរន្តរភាព គឺមានការដឹកនាំដោយគណៈកម្មាធិការកណ្តាល ដែលតំណាងឱ្យរាជធានី ខេត្ត ថ្នាក់ដឹកនាំ ក្រសួង ស្ថាប័ន និងឥស្សរជននយោបាយទាំងតំណាងរាស្ត្រ និងតំណាងព្រឹទ្ធសភាផងដែរ ។ ឯកឧត្តមបញ្ជាក់ថា គណបក្សប្រជាជនកម្ពុជាបានដឹកនាំដោយសមូហភាព សមូហភាពតាមរយៈការដឹកនាំដោយការជ្រើសរើសតំណាង ក្នុងនោះ១នាក់អាចតំណាង ឱ្យសមាជិករាប់រយរាប់ពាន់នាក់ ដែលតំណាងទាំងអស់នេះធ្វើការ ជាមួយគ្នានៅក្រោមឆ័ត្រគណៈកម្មាធិការកណ្តាល ៕ អត្ថបទសហការ
ចែករំលែកព័តមាននេះ