រាជធានីភ្នំពេញ៖ អគ្គនាយកបទប្បញ្ញត្តិ និងបរិយាបន្នហិរញ្ញវត្ថុ អំពាវនាវដល់សិក្ខាកាមដែលចូលរួម ជួយផ្សព្វផ្សាយ និងក្រើនរំលឹកដល់សាធារណជន កុំឱ្យចាញ់បោកល្បិចកលជនទុច្ចរិតទាក់ទិនកម្ចីឥណទាន និងត្រូវបែងចែកឱ្យដាច់ រវាងកម្ចីជាមួយស្ថាប័នស្របច្បាប់ និងកម្ចីជា…
រាជធានីភ្នំពេញ៖ អគ្គនាយកបទប្បញ្ញត្តិ និងបរិយាបន្នហិរញ្ញវត្ថុ អំពាវនាវដល់សិក្ខាកាមដែលចូលរួម ជួយផ្សព្វផ្សាយ និងក្រើនរំលឹកដល់សាធារណជន កុំឱ្យចាញ់បោកល្បិចកលជនទុច្ចរិតទាក់ទិនកម្ចីឥណទាន និងត្រូវបែងចែកឱ្យដាច់ រវាងកម្ចីជាមួយស្ថាប័នស្របច្បាប់ និងកម្ចីជា ស្ថាប័នក្រៅច្បាប់ ។
លោក ឡាយ សុខហេង អគ្គនាយកបទប្បញ្ញត្តិ និងបរិយាបន្នហិរញ្ញវត្ថុ ធនាគារជាតិនៃកម្ពុជា លើកឡើងក្នុងសិក្ខាសាលាស្តីពី “ចំណេះដឹងផ្នែកហិរញ្ញវត្ថុ និងកិច្ចការពារអតិថិជន” នៅស្រុកប្រាសាទសំបូរ ខេត្តកំពង់ធំ ថ្ងៃទី២២ ខែសីហា ឆ្នាំ២០២៥ នេះថា ជុំវិញ ហិរញ្ញវត្ថុនេះ កម្ចីក្រៅប្រព័ន្ធបានកំពុងរាតត្បាតនៅកម្ពុជា ដែលនាំឱ្យប្រជាពលរដ្ឋរងការជំពាក់បំណុលលើសលុបដោះខ្លួនមិនរួច នាំ ឱ្យកើតទៅជាវិបត្តិផ្លូវចិត្ត និងបង្កផលអវិជ្ជមាន ដល់មូលដ្ឋាន និងសង្គម ។ បញ្ហានេះដោយសារចំណេះដឹងផ្នែកហិរញ្ញវត្ថុ នៅមានកម្រិត លើសពីនេះទៅទៀត ប្រជាពលរដ្ឋអាចប្រឈមមុខនឹងការគំរាមកំហែង គៀបសង្កត់ គ្រោះថ្នាក់ ឬរូបភាពផ្សេងៗ ដើម្បីបង្ខំឲ្យសង ប្រាក់ដើម ការប្រាក់ ប្រាក់ពិន័យខុសគោលការណ៍ និងទ្រព្យត្រូវបានរឹបអូស ដោយពុំឆ្លងកាត់ការសម្រេចពីតុលាការជាដើម ។
លោក បញ្ជាក់ថា កម្ចីក្រៅផ្លូវការនេះ បានកំពុងរាតត្បាតមកលើប្រជាពលរដ្ឋតាមតំបន់មូលដ្ឋាន ដូច្នេះការបញ្ជ្រាបចំណេះ ដឹងផ្នែកហិរញ្ញវត្ថុ និងកិច្ចការពារអតិថិជន គឺជាកាតព្វកិច្ចអទិភាពនិងចាំបាច់ ដែលធនាគារជាតិនៃកម្ពុជាបាននិងកំពុងអនុវត្ត និងសហការជាមួយស្ថាប័នពាក់ព័ន្ធ និងដៃគូអភិវឌ្ឍនានា ដើម្បីបញ្ជ្រាបការយល់ដឹងនេះដល់ប្រជាជនតាមមូលដ្ឋាន និងគ្រប់វិស័យ ពាក់ព័ន្ធ ដែលជាកាត្តាលីករជួយជំរុញ និងលើកកម្ពស់បិរយាបន្នហិរញ្ញវត្ថុនៅកម្ពុជា ក្នុងនោះលោកអគ្គនាយក ក៏បានលើកទឹកចិត្ត និងអំពាវនាវដល់សិក្ខាកាមទាំងអស់ដែលចូលរួម បន្តជួយផ្សព្វផ្សាយ និងក្រើនរំលឹកដល់សាធារណជន កុំឱ្យចាញ់បោកល្បិចកល ជនទុច្ចរិត បែងចែកឱ្យដាច់រវាងកម្ចីជាមួយស្ថាប័នស្របច្បាប់ និងកម្ចីជាស្ថាប័នក្រៅច្បាប់ ។
លោក ឡាយ សុខហេង បន្តថា ជាការពិតណាស់ យុទ្ធសាស្ត្រជាតិ ស្តីពីបរិយាបន្នហិរញ្ញវត្ថុឆ្នាំ ២០១៩-២០២៥ បញ្ជាក់ថា ឧបសគ្គចម្បងនៃបរិយាបន្នហិរញ្ញវត្ថុ គឺការយល់ដឹងនិងចំណេះដឹងផ្នែកហិរញ្ញវត្ថុនៅកម្ពុជា មានកម្រិតទាប, ហេតុដូច្នេះ លទ្ធភាពក្នុងការស្វែងយល់ អំពីព័ត៌មានហិរញ្ញវត្ថុ ការទាញយកអត្ថប្រយោជន៍ និងការប្រើប្រាស់សេវាហិរញ្ញវត្ថុ សម្រាប់បង្កើនសុខមាលភាព សេដ្ឋកិច្ចគ្រួសារ គឺសមទ្ធិផលដែលកើតចេញពីការយល់ដឹង អំពីការប្រើប្រាស់ចំណេះដឹងផ្នែកហិរញ្ញវត្ថុ ។
សូមបញ្ជាក់ថា ទាក់ទិនហិរញ្ញវត្ថុនេះ ក្នុងនោះកម្ចីជាមួយស្ថាប័នស្របច្បាប់ គឺជាខ្ចីពីគ្រឹះស្ថានធនាគារ និងមីក្រូហិរញ្ញវត្ថុ ដែលមាន ទីតាំងច្បាស់លាស់ មានអត្រាការប្រាក់សមរម្យ និងស្របតាមច្បាប់គិតអត្រាជាភាគរយប្រចាំឆ្នាំ អតិថិជនទទួលបានការការពារ ត្រឹមត្រូវ ។ ចំណែកកម្ចីក្រៅប្រព័ន្ធ កម្ចីខុសច្បាប់ កម្ចីពីអ្នកចង់ការប្រាក់ដូចជា៖ គឺការខ្ចីពីមិត្តភក្តី អ្នកស្គាល់គ្នា ការកម្ចីតាមអនឡាញ (Facebook, Telegram, TikTok) ការរាប់លុយ ការខ្ចីលុយពីចិន ការខ្ចីលុយពីអង្គការ ដែលមានការប្រាក់ខ្ពស់ខ្លាំង គិតសេវា ផ្សេងៗខុសគោលការណ៍ គិតការជាថ្ងៃ ឬខែ ទារលុយរាល់ថ្ងៃគ្មានទីតាំងច្បាស់លាស់ ប្រកបជារបរឱ្យលុយគេខ្ចីជាប្រចាំ និងមិនមាន ការទទួលស្គាល់ ឬការអនុញ្ញាតពីធនាគារជាតិនៃកម្ពុជា ។ នេះជាប្រាក់កម្ចីដែលធ្វើឡើងដោយបុគ្គល ឬអង្គភាពដែលគ្មានអាជ្ញាប័ណ្ណ ដែលប្រតិបត្តិការនៅក្រៅក្របខ័ណ្ឌច្បាប់ ហើយគិតអត្រាការប្រាក់ហួសហេតុ ឬប្រើល្បិចបង្ខិតបង្ខំ ដើម្បីប្រមូលបំណុលជាដើម ៕ អត្ថបទសហការ
ចែករំលែកព័តមាននេះ