រាជធានីភ្នំពេញ៖ នៅថ្ងៃទី២២ ខែសីហា ឆ្នាំ២០២៥ ក្រុមហ៊ុន RMA បានធ្វើសន្និសីទសារព័ត៌មាន ស្តីពីតម្លៃថ្មីសម្រាប់រថយន្តនាំចូលពីអាមេរិក ដោយមានការចូលរួមពី ទូតអាមេរិក…
រាជធានីភ្នំពេញ៖ នៅថ្ងៃទី២២ ខែសីហា ឆ្នាំ២០២៥ ក្រុមហ៊ុន RMA បានធ្វើសន្និសីទសារព័ត៌មាន ស្តីពីតម្លៃថ្មីសម្រាប់រថយន្តនាំចូលពីអាមេរិក ដោយមានការចូលរួមពី ទូតអាមេរិក និងសភាពាណិជ្ជកម្មអាមេរិក ព្រមទាំងថ្នាក់ដឹកនាំកំពូលៗរបស់ក្រុមហ៊ុន RMA និងស្ថាប័នសារព័ត៌មានល្បីៗ ជាច្រើនផងដែរ។
តាមរយៈលោក ងន សាំង អគ្គនាយកក្រុមហ៊ុន អ អិម អេ ខេមបូឌា បានឱ្យដឹងថា៖ «ថ្ងៃនេះក្រុមហ៊ុន សូមជូនជាដំណឹង សម្រាប់អតិជនដែលតែងតែគាំទ្រផលិតផលរបស់អាមេរិក ជាពិសេស គឺការគាំទ្រក្រុមហ៊ុន RMA នៅកម្ពុជាយើង ដោយក្រុមហ៊ុនជម្រាបតម្លៃរថយន្ត JEEP WRANGLER RUBICON 104,900$-97900$, RAM 1500 REBEL 107,900$ – 99900$, និង FORD RAPTOR F150 ចុះនៅសល់ 14,9000$ ប៉ុណ្ណោះ ហើយនេះជាលទ្ធផល ដែលបានមកពីទំនាក់ទំនងសេដ្ឋកិច្ចរវាងប្រទេសកម្ពុជា និងសហរដ្ឋអាមេរិក» ។
លោក ងន សាំង ក៏បានគូសបញ្ជាក់ផងដែរថា RMA ជាក្រុមហ៊ុនរបស់សហរដ្ឋអាមេរិក ដែលចុះបញ្ជីពាណិជ្ជកម្ម នៅហុងកុង។ ហើយក្រុមហ៊ុន អ អិម អេ ខេមបូឌា ម.ក. ផ្តល់ជូននូវសេវាកម្ម និងនាំយកផលិតផលល្បីៗ នៃវិស័យយានយន្តអាមេរិក មកកាន់ទីផ្សារកម្ពុជា ។
ជាមួយគ្នានេះផងដែរ លោក Devin Barta, AmCham’s Board of Governor បានបញ្ជាក់ផងដែរថា ៖ « AmCham Cambodia គឺជាសមាគមន៍អ្នកពាណិជ្ជកម្មអាមេរិកនៅកម្ពុជា។ ហើយក្រុមហ៊ុន អ អិម អេ ខេមបូឌា គឺជាសមាជិកមួយដ៏សកម្មរបស់ AmCham Cambodia ដែលបានសហការគ្នាកន្លងមក ដូចជាក្នុងថ្ងៃនេះផ្ទាល់ AmCham បានចូលរូមគាំទ្រ និងអបអរសាទរ នូវបេសសកម្ម នៃការប្រកាសតម្លៃថ្មី របស់រថយន្តដែលនាំចូលពីសហរដ្ឋអាមេរិក» ។
លោក Devin ក៏បានបន្ថែមថា សម្រាប់ការអនុវត្តពន្ធថ្មីនេះ គឺជាសញ្ញាមួយដ៏ល្អ សម្រាប់ធរុកិច្ច នៅក្នុងប្រទេសកម្ពុជា ក៏ជាឱកាសមួយដើម្បីឱ្យប្រជាជនកម្ពុជាទទួលបានឱកាស នៃការវិនិយោគពីសំណាក់ក្រុមហ៊ុនអាមេរិកកាន់តែច្រើន ហើយជារួម ប្រទេសកម្ពុជា នឹងក្លាយជាទីតាំងមួយដ៏ល្អ សម្រាប់ការវិនិយោគ ពីសំណាក់ធុរកិច្ចសហរដ្ឋអាមេរិកផងដែរ ។
សូមជម្រាបផងដែរថា ក្រុមហ៊ុន អ អិម អេ ខេមបូឌា ម.ក. នាំចូលនិងចែកចាយផ្តាច់មុខ នូវផលិតផលម៉ាកល្បីៗជាច្រើន ដូចជា រថយន្តហ្វដ (Ford) ដែលជារថយន្តជាប់ចំណាត់ថ្នាក់លេខ ១ ក្នុងទីផ្សារឧស្សាហកម្មយានយន្តកម្ពុជា រួមទាំងសេវាកម្មជួលជុល និងថែទាំរថយន្ត ផងដែរ៕ អត្ថបទសហការ
ចែករំលែកព័តមាននេះ