រាជធានីភ្នំពេញ ៖ នៅថ្ងៃទី ២០ ខែសីហា ឆ្នាំ ២០២៥ ក្រសួងការងារ និងបណ្ដុះបណ្ដាលវិជ្ជាជីវៈ និងក្រុមប្រឹក្សាជាតិប្រាក់ឈ្នួលអប្បបរមា…
រាជធានីភ្នំពេញ ៖ នៅថ្ងៃទី ២០ ខែសីហា ឆ្នាំ ២០២៥ ក្រសួងការងារ និងបណ្ដុះបណ្ដាលវិជ្ជាជីវៈ និងក្រុមប្រឹក្សាជាតិប្រាក់ឈ្នួលអប្បបរមា បានបើកកិច្ចប្រជុំ ដើម្បីពិភាក្សាកំណត់ប្រាក់ឈ្នួលអប្បបរមា របស់កម្មករនិយោជិតផ្នែកវាយនភណ្ឌ កាត់ដេរ ផលិតស្បែកជើង និងផលិតផលិតផលធ្វើដំណើរ និងកាបូប សម្រាប់ឆ្នាំ ២០២៦ នៅទីស្ដីការក្រសួង ដោយបានសម្រចទៅលើចំណុចមួយចំនួន ។
ឯកឧត្តម ហេង សួរ រដ្ឋមន្ត្រីក្រសួងការងារ និងបណ្ដុះបណ្ដាលវិជ្ជាជីវៈ និងជាប្រធានក្រុមប្រឹក្សាជាតិប្រាក់ឈ្នួលអប្បបរមា បានឱ្យដឹងថា ៖ «ជារៀងរាល់ឆ្នាំក្រុមប្រឹក្សាជាតិប្រាក់ឈ្នួលអប្បបរមា តែងតែបើកិច្ចប្រជុំ ដើម្បីឱ្យភាគីកម្មករនិយោជិតផ្នែកវាយនភណ្ឌ កាត់ដេរ ផលិតស្បែកជើង និងផលិតផលិតផលធ្វើដំណើរនិងកាបូប និងនិយោជិក ពិភាក្សានិងចរចា ដោយកំណត់ប្រាក់ឈ្នួលអប្បបរមា សម្រាប់ឆ្នាំបន្ទាប់ (២០២៦) ក្រោមការសម្របសម្រួល របស់ក្រសួងការងារ និងបណ្ដុះបណ្ដាលវិជ្ជាជីវៈ និងស្ថាប័នពាក់ព័ន្ធផ្សេងទៀតដែលតំណាងឱ្យភាគីរដ្ឋាភិបាល» ។
នៅក្នុងកិច្ចប្រជុំជាលើកដំបូងនេះ ឯកឧត្តម រដ្ឋមន្ត្រី បានបន្តថា សម្រាប់ឆ្នាំ ២០២៦ មានការចូលរួម ពីសមាជិកក្រុមប្រឹក្សាជាតិប្រាក់ឈ្នួលអប្បបរមា សរុបចំនួន ៥១រូប ដែលមានសមាសភាពស្មើៗគ្នា។ បន្ទាប់ពីសមាសភាពយន្តការត្រីភាគីនេះ បានពិភាក្សានិងលើកមតិយោបល់ យ៉ាងផុលផុស អង្គប្រជុំបានអនុម័ត សម្រេចបានលទ្ធផលដូចខាងក្រោម ៖
ទី ១- បានប្រកាសជាផ្លូវការសមាសភាពសមាជិក និងអនុប្រធានក្រុមប្រឹក្សាជាតិប្រាក់ឈ្នួលអប្បបរមាសម្រាប់អាណត្តិទី ៤ (២០២៥-២០២៦) គឺ ៖
បន្ទាប់ពីការសម្រេចនូវចំណុចទាំងប៉ុន្មានខាងលើ ឯកឧត្តម ហេង សួរ បន្តថា ៖ «អង្គប្រជុំក៏បានបន្ត ទៅដល់ការធ្វើបទបង្ហាញរបស់ក្រុមប្រឹក្សាជាតិ ប្រាក់ឈ្នួលអប្បបរមា ដែលបានធ្វើការអង្កេត និងបានរៀបចំចង.ក្រងនាពេលកន្លងមក ដើម្បីឱ្យគ្រប់ភាគីពាក់ព័ន្ធទាំងអស់ យល់អំពីស្ថានភាពសាកល យល់អំពីស្ថានភាពសេដ្ឋកិច្ចប្រទេស ដែលជាទីផ្សារនាំចេញរបស់យើង ដឹងអំពីកំណើននៃការនាំចេញនៅក្នុងផ្នែកនីមួយៗ ទៅកាន់ទីផ្សារនីមួយៗ ក៏ដួចជាការធ្វើបច្ចុប្បន្ននៃទីផ្សារ បច្ចុប្បន្នភាពនៃការចំណាយ បច្ចុប្បន្នភាពនៃការរស់នៅ បច្ចុប្បន្នភាពនៃអត្រាចំណេញ ដែលមាននៅក្នុងវិស័យកាត់ដេរសំលៀកបំពាក់ និងផលិតស្បែកជើង» ។
ឯកឧត្តម ហេង សួរ បានគូសបញ្ជាក់ផងដែរ កិច្ចប្រជុំនឹងធ្វើយ៉ាងសម្រេចលទ្ធផលឱ្យបានមុនពិធីភ្ជុំបិណ្ឌមកដល់ ដើម្បីផ្តល់ដំណឹងជូនកម្មករនិយោជិត មុនពេលឈប់សំរាក សម្រាប់ពិធីបុណ្យភ្ជុំបិណ្ឌ ថាតើយើងអាចឡើង ឬមិនឡើង ឬយ៉ាងម៉េច ដូចនេះនឹងសម្រេចលទ្ធផលឱ្យមុនភ្ជុំបិណ្ឌ ៕ អត្ថបទសហការ
ចែករំលែកព័តមាននេះ