រាជធានីភ្នំពេញ ៖ កាលពីថ្ងៃទី ០២-០៣ ខែមិថុនា ឆ្នាំ ២០២៥ កន្លងទៅ សាលារៀនវ៉េស្ទឡាញន៍ បានសហការជាមួយសាកលវិទ្យាល័យ…
រាជធានីភ្នំពេញ ៖ កាលពីថ្ងៃទី ០២-០៣ ខែមិថុនា ឆ្នាំ ២០២៥ កន្លងទៅ សាលារៀនវ៉េស្ទឡាញន៍ បានសហការជាមួយសាកលវិទ្យាល័យ ASSUMPTION ប្រទេសថៃ ដើម្បីរៀបចំសិក្ខាសាលាមួយក្រោមប្រធានបទ “A Glimpse of Architecture” សម្រាប់សិស្សថ្នាក់ទី ១១-១២ ក្នុងគោលបំណងផ្តល់ចំណេះដឹង និងចែករំលែកបទពិសោធក្នុងជំនាញស្ថាបត្យកម្ម ជាពិសេសសម្រាប់សិស្សដែលមានចំណាប់អារម្មណ៍ក្នុងបន្តការសិក្សាផ្នែកសំណង់ និងស្ថាបត្យកម្មនៅទីនោះ ។
ក្នុងកម្មវិធីនេះ សិស្សានុសិស្សសាលារៀនវ៉េស្ទឡាញន៍បានទទួលការចែករំលែកពីគន្លឹះមួយចំនួន និងរៀនអនុវត្តដោយផ្ទាល់ធ្វើគម្រោងសិក្សាសាកល្បង និងទទួលបានការណែនាំលើគំនិតច្នៃប្រឌិត និងការសហការក្រុមក្នុងការធ្វើការងារជាក្រុម ចូលរួមពីជំនាញវិជ្ជាជីវៈក្នុងផ្នែកស្ថាបត្យកម្ម និងសំណង់ ។
ដើម្បីបង្កើនសក្តានុពល និងបើកផ្លូវអាជីពថ្មីៗសម្រាប់យុវជនកម្ពុជា បណ្តាញគ្រឹះស្ថានអប់រំ វេសឡាញ អេឌ្យូខេសិន គ្រុប តែងតែយកចិត្តទុកដាក់ក្នុងការតម្រង់ទិសជំនាញសិក្សា និងអាជីពដល់សិស្សានុសិស្សតាមរយៈកិច្ចសហប្រតិបត្តិការជាមួយស្ថាប័នដៃគូជាតិ និងអន្តរជាតិនានា ៕ អត្ថបទសហការ
ចែករំលែកព័តមាននេះ