រាជធានីភ្នំពេញ ៖ សាលារៀនវ៉េស្ទឡាញន៍ សាខាក្រុងច្បារមន (ខេត្តកំពង់ស្ពឺ) សហការជាមួយគ្រឹះស្ថានបោះពុម្ពផ្សាយជាច្រើន រៀបចំកម្មវិធីពិព័រណ៍សៀវភៅ ក្រោមប្រធានបទ “អានដើម្បីក្លាយជាអ្នកដឹកនាំ” រយៈពេលពីរថ្ងៃចាប់ពីថ្ងៃទី…
រាជធានីភ្នំពេញ ៖ សាលារៀនវ៉េស្ទឡាញន៍ សាខាក្រុងច្បារមន (ខេត្តកំពង់ស្ពឺ) សហការជាមួយគ្រឹះស្ថានបោះពុម្ពផ្សាយជាច្រើន រៀបចំកម្មវិធីពិព័រណ៍សៀវភៅ ក្រោមប្រធានបទ “អានដើម្បីក្លាយជាអ្នកដឹកនាំ” រយៈពេលពីរថ្ងៃចាប់ពីថ្ងៃទី ៣១ ខែឧសភា ដល់ថ្ងៃទី ១ ខែមិថុនា ឆ្នាំ ២០២៥ ក្នុងគោលបំណងជំរុញកុមារ និងយុវជនមានទម្លាប់ក្នុងការអានសៀវភៅ និងគាំទ្រស្នាដៃតែងនិពន្ធ ។
បើតាមការរបស់បញ្ជាក់លោក កន សវុណ្ណារ៉ា នាយករងផ្នែកទំនាក់ទំនងសាធារណៈបញ្ជាក់ថា ពិព័ណ៌សៀវភៅនេះ រៀបចំឡើងដោយការសហការជាមួយគ្រឹះស្ថានបោះពុម្ពផ្សាយ ក្រុមហ៊ុន Sipar ក្រុមហ៊ុន Mind Book សៀវភៅ១ សហគមន៍១ សៀវភៅយុទ្ធសាស្ត្រនៃភាពជាអ្នកដឹកនាំ និងក្រុមហ៊ុន Next Gen ហើយមានសៀវភៅដាក់តាំងបង្ហាញជាង១៥០០ចំណងជើងគ្រប់កម្រិត ដែលផ្តោតលើអប់រំចាប់ពីកុមារតូច រហូតមនុស្សគ្រប់វ័យ និងលក់ក្នុងតម្លៃពិសេសជូនផងដែរ ។ សៀវភៅទាំងនោះ មានបែបប្រលោមលោក សៀវភៅទស្សនវិជ្ជា និងចិត្តវិទ្យា សៀវភៅសម្រាប់កុមារ សៀវភៅប្រវត្តិវិទ្យា និងភូមិវិទ្យា សហគ្រិនភាព សៀវភៅទាក់ទងនឹងសាសនា និងសិល្បៈជាដើម ដែលមានជាភាសាខ្មែរ និងអង់គ្លេស ។
លោកបានបន្ថែមទៀតថា ការរៀបចំកម្មវិធីពិព័ណ៌សៀវភៅឆ្នាំនេះ ក្រោមប្រធានបទ “អានដើម្បីក្លាយជាអ្នកដឹកនាំ” ដើម្បីជំរុញ និងលើកទឹកចិត្តដល់កុមារ និងយុវជន ស្រឡាញ់សៀវភៅ ស្រឡាញ់ការអាន និងបង្កើតទម្លាប់អានសៀវភៅចាប់ពីកុមារភាពឡើងទៅ ក៏ដូចជាត្រៀមចាប់យកចំណេះដឹង ជំនាញ និងបំណិនត្រិះរិះពិចារណថ្មីៗបន្ថែមទៀត។ លើសពីនេះ កម្មវិធីនេះនឹងជួយលើកទឹកចិត្ត និងជំរុញការតាក់តែងនិពន្ធសៀវភៅថ្មីៗ ដែលឆ្លើយតបនឹងតថភាពជាក់ស្តែងសង្គម និងផ្តល់នូវពុទ្ធិកាន់តែទូលំទូលាយទៅដល់អ្នកអាន ។
សូមជម្រាបថា នៅក្នុងពិព័ណ៌សៀវភៅនេះ អ្នកចូលរួមបានទទួលការចែករំលែកអំពីសារៈសំខាន់អំពីការអានពីវាគ្មិន និងឈ្វេងយល់ពីលក្ខៈសម្បត្តិនៃភាពជាអ្នកដឹកនាំ ការបញ្ចុះតម្លៃពិសេសសម្រាប់ការជាវសៀវភៅ ល្បែងកម្សាន្តនានានិងចែកកាដូ FREE និងមានឱកាសទទួលបានអាហារូបករណ៍រហូតដល់១០០%ពីសាលារៀនវ៉េស្ទឡាញន៍ផងដែរ ៕ អត្ថបទសហការ
ចែករំលែកព័តមាននេះ